გენერალური კონსული, იტალიის შრომის საყოველთაო კონფედერაციის მიერ ორგანიზებულ შეხვედრას დაესწრო

დღეს, 28 ოქტომბერს ქალაქ ბარიში გენერალური კონსული ვახტანგ ანდღულაძე, იტალიის შრომის საყოველთაო კონფედერაციის მიერ ორგანიზებულ შეხვედრას  დაესწრო.

„Cgil Puglia“ (იტალიის შრომის საყოველთაო კონფედერაცია) მიერ ორგანიზებული შეხვედრა, მიზნად, იტალიის რესპუბლიკის ტერიტორიაზე, 2021 წლის იმიგრაციის სტატისტიკური მონაცემების დამსწრე აუდიტორიისათვის გაცნობას ისახავდა. შეხვედრის ფარგლებში მხარეებმა სამომავლო გეგმები განიხილეს.

აღნიშნულ ღონისძიებაზე, დამსწრე საზოგადოებას მისასალმებელი სიტყვით მიმართეს და საკონსულო საქმიანობის შესახებ ინფორმაცია მიაწოდეს საქართველოს, ალბანეთის და რუმინეთისა გენერალურმა კონსულებმა.

ასევე, ღონისძიებაში მონაწილეობა მიიღეს ქალაქი ბარის და პულიას რეგიონის ჯანდაცვის საკითხების მრჩევლებმა. შეხვედრას ესწრებოდნენ და დისკუსიაში მონაწილეობდნენ სალენტოს უნივერსიტეტის დოცენტი, პულიას რეგიონის მესამე სექტორის პრეზიდენტი, იმიგრანტების ჯანდაცვის სექტორის წარმომადგენელი და რეგიონში ინტერკულტურული პროგრამების ცენტრის წარმომადგენელი.

შეხვედრა შეაჯამა „Cgil Puglia“-ს გენერალურმა მდივანმა, რომელმაც ისაუბრა ემიგრანტების უფლებების დაცვისა და იტალიის ტერიტორიაზე მათი რეინტეგრაციის საკითხებზე.

აგრეთვე დაგაინტერესებთ:

⭕ როგორ დავუკავშირდეთ, ქალაქ ბარიში არსებულ, საქართველოს გენერალურ საკონსულოს

⭕ კაფე-ბარი „ლაღიძის წყლის“ გახსნას, ქალაქ ბარიში საქართველოს გენერალური კონსული, ვახტანგ ანდღულაძე დაესწრო