27 წლის სასულიერო პირმა სამაშველო ნავში ადგილი ბავშვიან ქალბატონს დაუთმო, როცა მაშველები მის გადარჩენას ცდილობდნენ თოკი გაწყდა და მოძღვარი ზღვაში ჩავარდა

7 წელი გავიდა ტრაგედიიდან, რომელსაც 27 წლის სასულიერო პირი ემსხვერპლა.

ტრაგიკული შემთხვევა, 2014 წლის 28 დეკემბერს მოხდა. ადრიატიკის ზღვაში მცურავ ბორან „ნორმან ატლანტიკს" საბერძნეთის კუნძულ კორფუს სანაპიროსთან ცეცხლი  გაუჩნდა.

გემზე 422 მგზავრი და 56 ეკიპაჟის წევრი იყო. მათ შორის იყო რვა ქართველი, აქედან 5 მათგანის, მათ შორის მცირეწლოვანი ბავშვის ევაკუაცია ხანძრის გაჩენისთანავე მოხერხდა, კიდევ ორი ქართველი კი მოგვიანებით გადაარჩინეს.

27 წლის ქართველმა სასულიერო პირმა ილია კარტოზიამ სამაშველო ნავში ადგილი ბავშვიან ქალბატონს დაუთმო.

ხოლო როცა მაშველები მის გადარჩენას ცდილობდნენ თოკი გაწყდა და მოძღვარი ზღვაში ჩავარდა.

რამდენიმე დღის შემდეგ, მისი ცხედრის პოვნისას, იპოვეს ზურგჩანთაც, რომელიც სხვადასხვა სიწმინდით, იყო სავსე...

„"მე იქიდან ჩამომასვენებენ, აი, აქ, ამ დიდი ლოდის წინ დამასაფლავეთ. ყველას უთხარით, რომ ეს ჩემი სურვილი იყო", - ეს სიტყვები მცხეთის დავით აღმაშენებლის მამათა მონასტრის წინამძღვარს, მამა ილია კარტოზიას საქართველოდან გამგზავრებამდე ბერებსა და მორჩილებთან უთქვამს. მაშინ მისი სიტყვებისთვის ყურადღება არავის მიუქცევია, ხუმრობა ეგონათ. სამწუხაროდ, ის ცოცხალი მართლა ვეღარ დაბრუნდა საქართველოში“, - უთხრა მამა ანტონმა „კვირის პალიტრას“ 2015 წლის 5 იანვარს მიცემულ ინტერვიუში.

გადარჩენილების თქმით, ცეცხლი ღამით გაჩნდა, ამ დროს მგზავრებს ეძინათ. სამწუხაროდ, 11 კაცი დაიღუპა.

მამა ილია კარტოზია მცხეთაში დაკრძალეს.

პრეზიდენტმა გიორგი მარგველაშვილმა მცხეთის დავით აღმაშენებლის სახელობის მამათა მონასტრის წინამძღვარი, არქიმანდრიტი ილია კარტოზია „სამაგალითო სამოქალაქო თავდადებისა და გმირობისათვის, განსაკუთრებული პიროვნული მამაცობის გამოვლენისათვის, ,,სამოქალაქო თავდადებისათვის“ (სიკვდილის შემდეგ) დააჯილდოვა.

ასევე საინტერესოა:

🔵 ლიბიის სანაპიროზე 27 მიგრანტის გვამი გამოირიყა

🔵 ქალებს ავღანეთში 72 კმ-ზე მეტის გავლა ეკრძალებათ, თუ კაცი არ ახლავთ

🔵 ბავშვების გაუპატიურებისთვის რუს მოძღვარს, რომელმაც 72 ბავშვი იშვილა, 21 წელი მიუსაჯეს