ქალებს ავღანეთში 72 კმ-ზე მეტის გავლა ეკრძალებათ, თუ კაცი არ ახლავთ

თალიბანი ქალთა უფლებების შეზღუდვას აგრძელებს. ავღანეთის ამჟამინდელი მმართველების გადაწყვეტილებით  ქალებს, რომლებსაც (45 მილის) 72 კილომეტრზე უფრო დიდ მანძილზე სურთ გადაადგილება, ტრანსპორტი არ უნდა მოემსახურონ, თუკი მათთან ერთად მამრობითი სქსის ნათესავი არ იქნება. ინფორმაციას france24.com ავრცელებს.

ამასთან, კეთილშობილების ხელშეწყობის და მანკიერების პრევენციის სამინისტროს მიერ გავრცელებული დოკუმენტი მანქანებს მძღოლებს ავალებს არ დაუკრან მუსიკა და არ ჩაისვან ქალი მგზავრები, რომლებიც ჰიჯაბის გარეშე იქნებიან.

სამინისტროს პრესმდივანმა, მოჰამად სადიყ აკიფმა 26 დეკემბერს დაადასტურა დოკუმენტის ნამდვილობა.

ქაბულში მომუშავე ტაქსის მძღოლმა, რომელმაც საკუთარი სახელის გამჟღავნება არ ისურვა, რადიო თავისუფლებას უთხრა, რომ თალიბანი უკვე გარკვეული პერიოდია მძღოლებს მოუწოდებს მანქანებში არ ჩართონ მუსიკა და არ წაიყვანონ ქალები ჰიჯაბის გარეშე.

აგვისტოში ხელისუფლებაში მოსვლის შემდეგ თალიბანმა ჩამოაყალიბა მხოლოდ კაცებისგან შემდგარი მთავრობა, რომლის ხელმძღვანელი ვეტერანი რადიკალები აცხადებენ, რომ დაუბრუნდებიან შარიათის მკაცრ კანონებს – რაც დარტყმაა ავღანეთში და საერთაშორისო სივრცეში არსებულ იმედებზე, რომ თალიბანის მმართველობის მეორე პერიოდი უფრო ნაკლებად შემზღუდავი იქნებოდა, ვიდრე ორი ათწლეულის წინ იყო.

თალიბანმა გააუქმა წინა ადმინისტრაციის დროს მოქმედი ქალთა საკითხების სამინისტრო და მნიშვნელოვნად შეზღუდა ქალების უფლებები. ქალთა უმრავლესობას აეკრძალა მუშაობა, ბევრ გოგონას წაერთვა განათლების მიღების უფლება.

ასევე დაგაინტერე­­­­სებთ:

🔵VIDEO: მომ­ღე­რა­ლი სოფო ნი­ჟა­რა­ძე ტე­ლე­ეკ­რანს უბ­რუნ­დე­ბა

🔵რამდენია რომის პაპის ხელფასი და სად მუშაობდა ახალგაზრდობაში - საინტერესო ფაქტები ბერგოლიოს შესახებ

🔵სამი თვის ჩვილი "ომიკრონით" დაინფიცირდა - ამირან გამყრელიძე