თუ ვინმე შემოგთავაზებთ ნაწლავების გამწმენდ პროცედურას, ან დიეტას, ერიდეთ! - მან არ იცის ელემენტარული ანატომია და ფიზიოლოგია!

რამდენიმე სიტყვა ნაწლავის გაწმენდაზე...

თავიდანვე გეტყვით, რომ ძალიან არაჯანმრთელად ჟღერს სამედიცინო განათლების მქონე ადამიანისთვის!

ჩვენი ორგანიზმი თავად წმენდს, თუ რამე გასაწმენდია!

ნაწლავი არის ძალიან ფაქიზი, მაღალკომპლექსური, სათუთად ორკესტრირებული მიკრიობიომის სისტემა, მილიარდობით ბაქტერიის საცხოვრებელი, რომელთა გარეშეც ჩვენ ვერ ვიქნებოდით ცხოვრებისუნარიანი!

თუ ვინმე შემოგთავაზებთ ნაწლავების გამწმენდ დიეტას, ან მკურნალობას, მან არ იცის ელემენტარული ანატომია და ფიზიოლოგია, ამიტომ ერიდეთ! 

თან გაუფრთხილდით ფინანსებს!

ნაწლავს ძალიან უყვარს, როცა ჩვენ ვმოძრაობთ, აქტიურები ვართ (მაგრამ არა უშუალოდ ჭამის შემდეგ!). 
ასე რომ ფეხით იარეთ, ლიფტი და ესკალატორები იშვიათად გამოიყენეთ და ორგანიზმის მადლობას მალე და მკაფიოდ იგრძნობთ.

მედიცინაში ნაწლავს ვცლით შიგთავსისგან კოლოსკოპიის (ნაწლავის შიგნიდან დათვალიერება სპეციალური შლანგისმაგვარი ინსრუმენტით - ენდოსკოპით) წინ, რომ ექიმმა კარგად დაინახოს ყველაფერი.

ან ძალიან მძიმე გასტროენტეროლოგიური დაავადებების დროს (ჰეპატოენცეფალოპათია, IBS Irritable Bowel Syndrom...) ხდება ლოკალურად მოქმედი ანტიბიოტიკებით ნაწლავის სელექციური დეკონტამინაცია, ანუ გარკვეული ბაქტერიების მოკვლა.

გაუფრთხილდით ნაწლავს, რადგან ის ჩვენი მეორე ტვინია და პირდაპირ ჩართულია თავის ტვინის პროცესებში. 

ბევრი ნევროლოგიური თუ ფსიქოლოგიური/ფსიქიატრიული დაავადება, სინდრომი სწორად ნაწლავიდან მოდის.

ამიტომაც არ შეიძლება ბანალური ინფექციების დროს რეფლექსურად ანტიბიოტიკების მიღება, რადგან ასე ვანადგურებთ წარმოუდგენელი მასშტაბით ნაწლავის ეკოსისტემას. შედეგი კი ხშირად ქრონიკული დაავადებებია კომბინაციაში ექიმებთან სიარულის ოდისეასთან.

ჯანსაღ ნაწლავში ჯანსაღი ფსიქიკაა!

ჯანმრთელობას და სულიერ სიმშვიდეს გისურვებთ!

წყარო: "მედიცინა და ფსიქოლოგია - თქვენი ჰაუსი"