"ფილმში მგონია თავი - გადაატრიალეს სახლები, მამაჩემის პირადი მძღოლი ვინც არის, იმის სახლში მივიდნენ და ამოუყირავეს სახლი, არასრულწლოვანი ბავშვები ჰყავს, წამლები დაალევინა, ისე ინერვიულეს" - სოსო გოგაშვილის შვილის კომენტარი

სუსის ყოფილი მაღალჩინოსნის, სოსო გოგაშვილის შვილი, ნიკოლოზ გოგაშვილი ამბობს, რომ მამამისის დაკავების შემდეგ ჩხრეკა ჩატარდა მათ სახლებში გონიოში, თბილისსა და კახეთში.

ნიკოლოზ გოგაშვილი ვარაუდობს, რომ დაკავება 2021 წელს გავრცელებულ ფაილებს უკავშირდება, რომელიც სუს-ის მიერ მოქალაქეების ფარული მოსმენით მიღებულ ინფორმაციას ასახავს.

"რასაც სოსო აანონსებდა, ის ინფორმაცია დიპლომატიურ კორპუსს აქვს, ამერიკისაც და ევროკავშირისაც, თავიდან ბოლომდე აქვთ.

არ არის გამორიცხული, (დაკავება ამას უკავშირდებოდეს) მაგათ ტვინში რა მოიხარშება, არ ვიცი.

საგამოძიებო მოქმედება ჩატარდა კახეთშიც - სასტუმროშიც და სახლშიც.

გადააატრიალეს სახლები, მამაჩემის პირადი მძღოლი ვინც არის, იმის სახლში მივიდნენ და ამოუყირავეს სახლი, არასრულწლოვანი ბავშვები ჰყავს, წამლები დაალევინა, ისე ინერვიულეს.

ფილმში მგონია თავი გუშინდელი დღის მერე.

[ჩხრეკა ჩატარდა] გონიოში, თბილისში, კახეთში", - აცხადებს სოსო გოგაშვილის შვილი ნიკოლოზ გოგაშვილი.

სახელმწიფო უსაფრთხოების სამსახურის უფროსის ყოფილი მოადგილე, სოსო გოგაშვილი სპეცოპერაციის შედეგად საკუთარ სახლში გვიან ღამით აიყვანე,ს თუმცა უწყებას ამ დრომდე, ოფიციალური კომენტარი არ გაუკეთებია.

ცნობისთვის, სოსო გოგაშვილმა გუშინ დაწერა, რომ არჩევნების გაყალბების მტკიცებულებები ჰქონდა, რომელიც "შესაბამის ორგანიზაციას" გადასცა. რამდენიმე დღის წინ კი გია გაჩეჩილაძემ (უცნობი) აუდიოჩანაწერი გაავრცელა, რომელიც მთავარი არხის ჟურნალისტების ფარული მიყურადებით იყო მოპოვებული. აღნიშნულ აუდიოჩანაწერში საუბარი იყო სოსო გოგაშვილზეც.

ამავე თემაზე:

* „ე. წ. „ქოცებო“ კარგად წაიკითხეთ ეს ტექსტი და ჩანიშნეთ თათბირი ონლაინ „იმასთან“ თორემ სხვა არაფერი აღარ გიშველით“ - სოსო გოგაშვილი განცხადებას ავრცელებს

* "იმ სპექტაკლით, აგონიაში მყოფმა რეჟიმმა, სხვებს დაუქნია ხელი - არც გაბედოთ ჩვენი შიგნიდან მხილება თუ არა, უარესს მიიღებთო"