"გარწმუნებთ, როგორც კი დამთავრდება არჩევნები, სააკაშვილი საერთოდ აღარ იქნება დღის წესრიგში" - ირაკლი კობახიძე

"ქართული ოცნების" თავმჯდომარე, ირაკლი კობახიძე პარტიის ოფისში დღეს გამართულ ბრიფინგზე, პატიმრობაში მყოფი მიხეილ სააკაშვილის შიმშილობის საკითხს გამოეხმაურა.

როგორც მან განაცხადა, სააკაშვილის იმიტირებულ შიმშილობასთან დაკავშირებით 30 ოქტომბრის ჩათვლით "პატარა შოუ გვექნება".

"სააკაშვილის იმიტირებულ შიმშილის ქრონიკას რაც შეეხება, ამასთან დაკავშირებით უკვე მივეჩვიეთ, რომ 30 ოქტომბრის ჩათვლით პატარა შოუ გვექნება.

გარწმუნებთ, როგორც კი დამთავრდება არჩევნები, 30 ოქტომბრის შემდეგ სააკაშვილი საერთოდ აღარ იქნება დღის წესრიგში, არც ერთ კითხვას პასუხი აღარ გაეცემა.

სააკაშვილი არის ჩვეულებრივი პატიმარი და მეტიც, სააკაშვილი არის პატიმარი, რომელსაც სხვა პატიმრებზე ბევრად უფრო მძიმე დანაშაულები აქვს ჩადენილი.

აქედან გამომდინარე, 30 ოქტომბრიდან ეს საკითხი საერთოდ გაქრება ჩვენი დღის წესრიგიდან.

შიმშილობაზე არის პასუხისმგებელი მოშიმშილე.

როდესაც ადამიანი შიმშილობს, მან უნდა აიღოს პასუხისმგებლობა ამაზე.

ბუნებრივია, ციხე არ არის კურორტი. უნდა შიმშილობა, არ უნდა ჭამა? მისი გადასაწყვეტია.

რაც შეეხება სახელმწიფოს, სახელმწიფოს აქვს ერთი პასუხისმგებლობა. იმოქმედოს ადამიანის უფლებების სტანდარტის შესაბამისად, მაგრამ არაუმეტეს.

არავის პრივილეგია არ არის გადაყვანა სამოქალაქო ციხეში. რა სტანდარტითაც მოქმედებს, იმოქმედებს ყოველთვის სახელმწიფო სხვა მოშიმშილეების, პატიმრების მიმართ, იგივე სტანდარტებით იმოქმედებს სახელმწიფო პატიმარ, უმძიმეს დამნაშავე სააკაშვილის მიმართაც", – განაცხადა ირაკლი კობახიძემ.

ასევე დაგაინტერესებთ:

🔵სუსი: ოკუპირებული აფხაზეთიდან სამედიცინო საჭიროების მქონე ადამიანების გარდა, გადაადგილება ყველა პირისთვის უკანონოდ შეიზღუდა

🔵"ნაცმოძრაობაში მეორე კაცია გვარამია, როდესაც ბიომასას უწოდებს, იქ შეკრებილ ათიათასობით ადამიანს, ეს ყველაფერზე თავისთავად მეტყველებს" - ირაკლი კობახიძემ ნიკა გვარამიას უპასუხა

🔵სააკაშვილო გამოიხედე ციხის საკნიდან, ნახე რამდენი თავისუფალი ქართველია აქ, რომელსაც არ უნდიხარ - თეა წულუკიანი

🔵"ყველამ იცოდეს და კარგად გაიგოს, ამ ქვეყანაში კანონის უზენაესობა უმთავრესია და მართლმსაჯულება ყველასთვის თანაბრად განხორციელდება" - ირაკლი ღარიბაშვილი