სუსი: ოკუპირებული აფხაზეთიდან სამედიცინო საჭიროების მქონე ადამიანების გარდა, გადაადგილება ყველა პირისთვის უკანონოდ შეიზღუდა

სახელმწიფო უსაფრთხოების სამსახური განცხადებას ავრცელებს, რომლის თანახმადაც ოკუპირებული აფხაზეთიდან სამედიცინო საჭიროების მქონე ადამიანების გარდა, გადაადგილება ყველა პირისთვის უკანონოდ შეიზღუდა. 

როგორც განცხადებაშია აღნიშნული, მსგავსი უკანონო გადაწყვეტილებები ხშირად უკავშირდება სხვადასხვა გამოგონილ მიზეზებს.

"მიმდინარე წლის 28-30 ოქტომბრის ჩათვლით, ოკუპირებული აფხაზეთიდან ცენტრალური ხელისუფლების მიერ კონტროლირებადი ტერიტორიის მიმართულებით გადაადგილება უკანონოდ შეიზღუდა ყველა პირისთვის, სამედიცინო დახმარების საჭიროების მქონე ადამიანების გარდა. 

მსგავსი უკანონო გადაწყვეტილებები ხშირად უკავშირდება სხვადასხვა გამოგონილ მიზეზებს. მათ შორის ცენტრალური ხელისუფლების მიერ კონტროლირებად ტერიტორიაზე მიმდინარე არჩევნებთან დაკავშირებით ოკუპირებულ ტერიტორიაზე ე.წ. უსაფრთხოების უზრუნველყოფას.

რუსეთის საოკუპაციო ძალების მსგავსი დამაზიანებელი გადაწყვეტილებები 2021 წლის მუნიციპალური არჩევნების პირველ ტურთან დაკავშირებითაც დაფიქსირდა.

თავისუფალ გადაადგილებაზე დაწესებულ შეზღუდვასთან დაკავშირებით ცენტრალური ხელისუფლების მიერ გააქტიურებულია „ცხელი ხაზი“ და ინფორმირებულია ევროკავშირის სადამკვირვებლო მისია", - ნათქვამია უწყების მიერ გავრცელებულ განცხადებაში.

ასევე დაგაინტერესებთ:

🔵 "ეს არის სასოწარკვეთილების გამოხატულება" - ირაკლი კობახიძემ ნიკა გვარამიას უპასუხა

🔵 "ხომ ვერ ვიფიქრებდი, რომ სააკაშვილის დაცვას დავიწყებდი? იმდენი ქნეს, ეგეც მოახერხეს" - ინგა გრიგოლია