გიორგი გაბუნია: 4 ოქტომბერს და შემდგომ პერიოდშიც საქართველოში იქნება მშვიდობა, განვითარება და ვერავინ შეძლებს, ჩვენს ქვეყანაში მშვიდობას შეუქმნას რისკები

4 ოქტომბერი იქნება, თუ შემდგომი პერიოდი, საქართველოში იქნება მშვიდობა, განვითარება და ვერავინ შეძლებს, რომ ჩვენს ქვეყანაში შექმნას მშვიდობის რისკები, - განაცხადა პარლამენტის კულტურის კომიტეტის თავმჯდომარე, საზოგადოება „ქართულის“ ლიდერმა, გიორგი გაბუნიამ.

მისი თქმით, „ამისთვის არსებობს კანონი. საქართველო არის სამართლებრივი სახელმწიფო. რა თქმა უნდა, ნებისმიერ ადამიანს აქვს გამოხატვის თავისუფლება, მაგრამ როგორც კი ნებისმიერი ქმედება გაცდება კანონის ჩარჩოებს, კანონი სრული სიმკაცრით გასცემს პასუხს“

„პაატა ბურჭულაძე იქნება თუ სხვა რადიკალური ოპოზიციის ლიდერები, მათ არანაირი შანსი იმისა, რომ რაიმე შეცვალონ ან საფრთხე შეუქმნან ჩვენს ქვეყანაში მშვიდობას არ აქვთ. მათ ჰყავთ კონკრეტული დახელფასებული პარტაქტივი, რომელთა შეკრებასაც ახერხებენ, რუსთაველზე იქნება თუ მელიქიშვილის გამზირზე და ეს არის მხოლოდ და მხოლოდ მათი რესურსი. მათ არ გააჩნიათ საზოგადოების მხარდაჭერა და საზოგადოების მხარდაჭერა ვის აქვს, ამას საზოგადოება თავად დააფიქსირებს 4 ოქტომბრის არჩევნებზე. კიდევ ერთხელ ვამბობ, რომ არაფერი მოხდება არც 4 ოქტომბერს, არც 5 ოქტომბერს. საქართველოში იქნება მშვიდობა, განვითარება და ამ პროცესს ვერავინ ხელს ვერ შეუშლის“, - განაცხადა გაბუნიამ.