"გთხოვთ "ნაცმოძრაობის" მედიებს, ქალბატონი ვნახე წეღან, მთავრობის გადადგომას ითხოვდა ნუ დასცინით ამ ხალხს" - მამუკა მდინარაძე

ფრაქცია „ქართული ოცნების“ თავმჯდომარის მამუკა მდინარაძის განცხადებით, თავისუფლების მოედანზე, „ქართული ოცნების“ მხარდამჭერთა შემაჯამებელ საარჩევნო შეკრებაზე მოქალაქეები თავიანთი ნებით მიდიან და ამას მათ არავინ აძალებს.

"გულწრფელად გთხოვთ, განსაკუთრებით "ნაცმოძრაობის" მედიებს, თავი დაანებოთ ამ ხალხის დევნას, ბულინგს.

ქალბატონი ვნახე წეღან, მთავრობის გადადგომას ითხოვდა, სადღაც ჩაწერეთ, წარმოუდგენელი ამბავია.

ნუ დასცინით ამ ხალხს. 

რაც შეეხება იმ ათობით ათას ადამიანს, რომელიც დღეს თბილისში შეიკრიბებიან, სრული პასუხისმგებლობით გეუბნებით, არც ერთი ადამიანი არ იქნება, ვინც თავისი ნებით არ უერთდება ამ აქციას.

"ნაცმოძრაობას" რაც შეეძლო, ფიზიკურად ძალადობდა, ახლა ფსიქოლოგიურად და ინფორმაციული თვალსაზრისით ძალადობს, ამის წინააღმდეგ გამოდიან ადამიანები.

კონტრაქცია ფიზიკურად ვერ იქნება.

ირაკლი კობახიძემ თქვა და ვეთანხმები, რომ მართლაც დაახლოებით იმდენი ავტოსატრანსპორტო საშუალება და მძღოლი დაგვჭირდა ამ აქციისთვის, რამდენიც „ნაცმოძრაობის“ აქციაზე იყო.

ამასთან, შეჯიბრი არაფერში არ წერია. წარმოუდგენელია, არანაირ კონტრაქციაზე საუბარი არ არის. საუბარია, რომ ძალიან ბევრი ადამიანი უარს ეუბნება ბოროტებას, სიცრუეს და დგას სიმართლის, სიკეთის, განვითარების მხარეს", – აღნიშნა ბრიფინგზე მამუკა მდინარაძემ.

შეგახსენებთ, რომ დღეს 17:00 საათზე თავისუფლების მოედანზე "ქართული ოცნების" მხარდამჭერების შემაჯამებელი საარჩევნო შეკრება გაიმართება.  

ამავე თემაზე:

🔵 "აქციაზე, გივი სიხარულიძისგან 25 სანტიმეტრიანი დისტანცია დაიცავით, ეგეც მოდის" - ირინა სარიშვილი

🔵 დღეს "ქართული ოცნების" მხარდამჭერების შემაჯამებელი საარჩევნო შეკრება იმართება

🔵 შსს "ქართული ოცნების" დაგეგმილი აქციის გამო ტრანსპორტის მოძრაობის შეზღუდვის შესახებ ინფორმაციას ავრცელებს

🔵 "არჩევნები უნდა ჩავატაროთ ემიგრანტებისთვის, რომლებსაც კიდია კონკრეტული სახელები და გვარები" - ნიკა გრიგოლია