"ხომ ვერ ვიფიქრებდი, რომ სააკაშვილის დაცვას დავიწყებდი? იმდენი ქნეს, ეგეც მოახერხეს" - ინგა გრიგოლია

ჟურნალისტი ინგა გრიგოლია, ციხეში მყოფი საქართველოს მესამე პრეზიდენტის მიხეილ სააკაშვილის საქმის გარშემო მიმდინარე მოვლენებს სოციალურ ქსელში ეხმაურება.

იგი მმართველ პარტიას კითხვებით მიმართავს.

"ქოცები როგორი ხალხია იცით? ნელ-ნელა და ნაბიჯ-ნაბიჯ მიჰყავხარ იქამდე, რაზედაც ადრე არ გიფიქრია.

ვერ წარმოიდგენდი.

ხომ ვერ ვიფიქრებდი, რომ სააკაშვილის დაცვას დავიწყებდი? იმდენი ქნეს, ეგეც მოახერხეს.

…რატომ არ შემოუშვით მისი უკრაინელი ადვოკატი საქართველოში, რისი გეშინიათ?

რატომ არ გადაგყავთ კლინიკაში პატიმარი, რომლის ჯანმრთელობის მდგომარეობა უკვე მეტად სახიფათოა ,როცა მე პირადად ვიცნობ ადამიანებს, ვინც პატიმრობისას რამდენჯერმე გადაუყვანიათ კლინიკებში?

რატომ უზღუდავთ სატელეფონო ზარების და სასამართლოს უფლებას?

თქვენ რომ დაგიჭერენ 5 ივლისზე, ( და არა მხოლოდ!!!!) , ეგრე რომ მოგექცნენ , მაშინ რა რეაქცია გექნებათ, ქოცნო?", – წერს ინგა გრიგოლია.

საქართველოს მესამე პრეზიდენტი მიხეილ სააკაშვილი 1 ოქტომბერს, თბილისში დააკავეს. იგი სამი ინსტანციის სასამართლოს განაჩენით ცნობილია დამნაშავედ ვალერი გელაშვილის ცემის და სანდრო გირგვლიანის სისხლის სამართლის საქმეებზე და სასჯელის ზომად განსაზღვრული აქვს თავისუფლების აღკვეთა 6 წლის ვადით. აღნიშნულ საქმეებზე სასამართლოს მიერ გამოტანილი გადაწყვეტილებები საბოლოოა და არ საჩივრდება. სააკაშვილი დაკავების დღიდან, 27-ე დღეა შიმშილობს. სააკაშვილის ადვოკატები და პირადი ექიმები მისი ჯანმრთელობის მდგომარეობის დამძიმებაზე საუბრობენ და ყოფილი პრეზიდენტის სამოქალაქო კლინიკაში გადაყვანას ითხოვენ.

ამავე თემაზე:

🔵 მიხეილ სააკაშვილი ბიძინა ივანიშვილს, ციხიდან წერილს უგზავნის

🔵 "სააკაშვილი ამბობს, რომ მისი სიცოცხლე კითხვის ნიშნის ქვეშ დგას. იგი თავს, პუტინის ტყვედ მიიჩნევს" - უკრაინის სახალხო დამცველი

🔵 "გთხოვთ "ნაცმოძრაობის" მედიებს, ქალბატონი ვნახე წეღან, მთავრობის გადადგომას ითხოვდა ნუ დასცინით ამ ხალხს" - მამუკა მდინარაძე

🔵 "აქციაზე, გივი სიხარულიძისგან 25 სანტიმეტრიანი დისტანცია დაიცავით, ეგეც მოდის" - ირინა სარიშვილი