ლევან მახაშვილი: იმის გამო, რომ ამ ინფორმაციას არ ასაჯაროებენ, ლეგიტიმური კითხვები ჩნდება - ხომ არ იყო მართლა ისეთი პროცესი, სადაც თავად გერმანიის ელჩი იყო ჩართული ამ ფულის ასე გაუმჭვირვალედ ტრიალში

იმის გამო, რომ ამ ინფორმაციას არ ასაჯაროებენ, იმის გამო, რომ გამჭვირვალობა არ არის უზრუნველყოფილი, რა თქმა უნდა, ლეგიტიმური კითხვები ჩნდება - ხომ არ იყო მართლა ისეთი პროცესი, სადაც თავად გერმანიის ელჩი იყო პირდაპირ ჩართული და დაინტერესებული მხარე ამ ფულის ასე გაუმჭვირვალედ ტრიალში, - განაცხადა ევროინტეგრაციის კომიტეტის თავმჯდომარემ ლევან მახაშვილმა. ამ კომენტარით დეპუტატი გამოეხმაურა ინფორმაციას იმის თაობაზე, რომ გერმანიის მთავრობამ დაადასტურა საქართველოში მოქმედი არასამთავრობო ორგანიზაციების დაფინანსების ფაქტი, თუმცა არ დაასახელა, კონკრეტულად რომელ ენჯეოებს აფინანსებს.

„ვხედავთ, რომ არასამთავრობო ორგანიზაციები ასე აქტიურად არიან პოლიტიკურ ცხოვრებაში ჩართული და როდესაც ვხედავთ, რომ ამაში იხარჯება უამრავი გერმანელი გადასახადის გადამხდელის ფული, რა თქმა უნდა ეს მნიშვნელოვანია არა მარტო ქართველებისთვის, არამედ გერმანელებისთვისაც. იმის გამო, რომ ამ ინფორმაციას არ ასაჯაროებენ, იმის გამო, რომ გამჭვირვალობა არ არის უზრუნველყოფილი, რა თქმა უნდა, ლეგიტიმური კითხვები ჩნდება - ხომ არ იყო მართლა ისეთი პროცესი, სადაც თავად ელჩი იყო პირდაპირ ჩართული და დაინტერესებული მხარე ამ ფულის ასე გაუმჭვირვალედ ტრიალში. ამიტომ სანამ ამ კითხვებს არ გაეცემა პასუხები, ბუნებრივია ეს კითხვები საზოგადოებაში იქნება“, - განაცხადა მახაშვილმა.

გერმანიის ფედერალური მთავრობა ადასტურებს, რომ საქართველოში მოქმედ არასამთავრობო ორგანიზაციებს აფინანსებს, თუმცა მათ არ ასახელებს. ეს ინფორმაცია პარტია „ალტერნატივა გერმანიისთვის“ კითხვებზე პასუხებიდან გაირკვა.