მაია ბითაძე ბოკუჩავას ტყუილზე: ეუთოს დასჯას ირიბად გარე ძალები და მათ შორის საქართველოს უკვე დივერსანტი მოქალაქეები ცდილობენ იმისთვის, რომ მათ შავზე თეთრი არ თქვეს და თქვეს, რომ 2024 წელს არჩევნები საქართველოში შედგა

ეუთოს დასჯას ირიბად გარე ძალები და მათ შორის საქართველოს უკვე დივერსანტი მოქალაქეები ცდილობენ იმისთვის, რომ მათ შავზე თეთრი არ თქვეს და თქვეს, რომ 2024 წელს არჩევნები საქართველოში შედგა, - განაცხადა გარემოს დაცვისა და ბუნებრივი რესურსების კომიტეტის თავმჯდომარე მაია ბითაძემ „იმედის კვირასთან“.

დეპუტატი „ნაციონალური მოძრაობის“ თავმჯდომარის, თინა ბოკუჩავას ტყუილს გამოეხმაურა, რომლის მიხედვითაც „ევროპის სახალხო პარტიამ“ და თანამოაზრე პოლიტიკურმა ჯგუფმა ეუთოს საპარლამენტო ასამბლეაში საქართველოზე საგანგებო რეზოლუცია მიიღო.

„ჩვენ ვნახეთ საქართველოს მოქალაქეები, რომლებმაც იმუშავეს, ან არ იმუშავეს, რადგან შედეგს ვერ მიაღწიეს, რადგან საქართველოსთან მიმართებით განცხადებები არ გაკეთებულა. ევროპის სახალხო პარტიის მიერ გამოთქმული მოსაზრებები გაასაღეს ეუთოს რეზოლუციად. ეს ბუნებრივია, აღშფოთების საგანი იყო მათ შორის ეუთოს საპარლამენტო ასამბლეის ხელმძღვანელობისთვის. პასუხი ქართულ მხარეს ოფიციალურად გაეცა, რომ არანაირი რეზოლუცია არ ყოფილა მიღებული.

ეს არის ისეთი მასშტაბის ტყუილი, რომელიც ნაპატიები ნამდვილად არ იქნება ეუთოს მხრიდან. ეუთოს დასჯას ირიბად გარე ძალები და მათ შორის საქართველოს უკვე დივერსანტი მოქალაქეები ცდილობენ იმისთვის, რომ მათ შავზე თეთრი არ თქვეს და თქვეს, რომ 2024 წელს არჩევნები საქართველოში შედგა. ალბათ ეს არის მთავარი გამომწვევი მიზეზი, რომ ეუთოზე თავდასხმა მიმდინარეობს“, - აღნიშნა ბითაძემ.

თინა ბოკუჩავა და გიგი წერეთელი ამტკიცებდნენ, რომ ეუთოს საპარლამენტო ასამბლეამ მიიღო „ევროპის სახალხო პარტიის“ მიერ მომზადებული რეზოლუცია, რომელიც საქართველოს მიმართ კრიტიკული შინაარსის არის. „ნაცმოძრაობის“ ტყუილი მალევე გამჟღავნდა.

„ქრონიკის“ კითხვის პასუხად, ეუთოს სპიკერი ადასტურებს, რომ თინა ბოკუჩავამ მოიტყუა, როდესაც თქვა, რომ ეუთომ საქართველოს წინააღმდეგ კრიტიკული რეზოლუცია მიიღო: გავრცელებული ცნობა, რომ ასამბლეამ რეზოლუცია მიიღო, სიცრუეა.