მიხეილ სააკაშვილი: "ვივამედის" ნევროლოგი, რომელმაც მოითხოვა ჩემი შემდგომი გამოკვლევა ახლა გავიგე, რომ ჯანდაცვის სამინისტროდან გაუშვიათ მისი მეუღლე

საქართველოს მესამე პრეზიდენტი მიხეილ სააკაშვილის ფეისბუკის ოფიციალურ გვერდზე ექსპრეზიდენტის მიმართა ვრცელდება.

"მას შემდეგ, რაც გორში "მკურნალობის" შემდეგ ჩემი ნევროლოგიური მდგომარეობა გაუარესდა, რუსთავში, ადმინისტრაციამ გამოიძახა კლინიკა "ვივამედის" ნევროლოგი თამარ აბაშიძე.

მას ჩემი გამზრდელი დიდი ბებიის სახელი ერქვა და დამამახსოვრდა.

არამხოლოდ ამიტომ, არამედ თავისი პროფესიონალიზმითა და ადამიანობით მომხიბლა.

მან დასვა ზუსტად იგივე დიაგნოზი, რაც "ემპათიას" და სახალხო დამცველს ჰქონდათ დასმული და მოითხოვა ჩემი შემდგომი გამოკვლევა.

ახლა გავიგე, რომ ჯანდაცვის სამინისტროდან გაუშვიათ მისი მეუღლე, რომელიც დეპარტამენტის უფროსი იყო.

მინდა შეგახსენოთ, რომ ჩემდამი ადამიანური დამოკიდებულების გამო, ასევე მოხსნეს ლონდა თოლორაია, მინისტრი ტიკარაძე, არასაკმარისად ადამიანური დამოკიდებულების გამო, გორის ჰოსპიტლის დირექტორი და ახლა ეს კაცი.

ძალიან წვრილმან ბოროტ კაცუნებთან გვაქვს საქმე.

რაც შეეხება თამარ აბაშიძისა და სხვების დასმულ ნევროლოგიურ დიაგნოზს.

სწორედ ამ მკურნალობაზე მეუბნებიან უარს იმ იმედით, რომ მდგომარეობა სულ უფრო გამიუარესდება და აზროვნებას ვერ შევძლებ;

ან მეხსიერებას დავკარგავ და მათ შორის, ასეთი ბოროტებები აღარ მემახსოვრება.

ჩემს მიმართ ჩადენილი შეიძლება დავივიწყო, მაგრამ ჩვენს ქვეყანას რაც უქნეს, ამას არ და ვერ დავივიწყებ", - აღნიშნულია მიმართვაში.

სხვა სიახლეები:

🔳 საქართველოში კოვიდინფიცირების 17 066 ახალი შემთხვევა გამოვლინდა

🔳 ნათია ფანჯიკიძე: კულტურის მინისტრის ფავორიტს უთქვამს, მწერალი ქალი წიგნის, რომელიც საკრალური 13 ლარი ღირდა, ერთ გვერდზე სამჯერ ახსენებს ქალის სარცხვინელს, სარცხვინელსო

🔳 ესპანეთის რამდენიმე ადმინისტრაციამ, თანამშრომლებს მენსტრუალური შვებულება შესთავაზა

🔳 "სავარაუდოდ ორი კვირის შემდეგ დაიწყებს ინფიცირების მაჩვენებელი კლებას" - ვახტანგ კალოიანი ეპიდვითარებაზე