მოძღვარმა ქალბატონი რუსუდანი არ აზიარა ენმ-ის მხარდაჭერის გამო და მიზეზად  ,,მ. სააკაშვილის სექტის“ მომხრეობა დაასახელა - ბათუმისა და ლაზეთის ეპარქია

22 იანვარს, სამაუწყებლო ტელეკომპანია ტვ პირველის ეთერში გავიდა სიუჟეტი ხელვაჩაურის წმინდა პანტელეიმონ მკურნალის ტაძრის დეკანოზ  ლუკა მიქაბერიძეს და ამავე ტაძრის მრევლის რუსუდან  თავართქილაძეს შორის მომხდარი ინციდენტის შესახებ, რომ მოძღვარმა ეს უკანასკნელი არ აზიარა ენმ-ის მხარდაჭერის გამო და მიზეზად  ,,მ. სააკაშვილის სექტის“ მომხრეობა დაასახელა,-ბათუმისა და ლაზეთის ეპარქია, ტვ პირველის ეთერში გასულ სიუჟეტს,  ეხმაურება.

ბათუმისა და ლაზეთის ეპარქიის მიერ გავრცელებული განცხადებით, ინფორმაცია ნაწილობრივ დადასტურდა, მოძღვარს  დეკანოზ  ლუკა მიქაბერიძეს გაფრთხილება მიეცა. ეპარქიის განცხადების მიხედვით, რუსუდან თავართქილაძე და მისი მეუღლის მხრიდან ადგილი ჰქონდა აგრესიულ და პროვოკაციულ გამოსვლებ, რასაც ადასტურებენ სამრევლოს სხვა წარმომადგენლები.

„22 იანვარს, სამაუწყებლო ტელეკომპანია ტვ პირველის ეთერში გავიდა სიუჟეტი ხელვაჩაურის წმინდა პანტელეიმონ მკურნალის ტაძრის დეკანოზ  ლუკა მიქაბერიძეს და ამავე ტაძრის მრევლის რუსუდან  თავართქილაძეს შორის მომხდარი ინციდენტის შესახებ, რომ მოძღვარმა ეს უკანასკნელი არ აზიარა ენმ-ის მხარდაჭერის გამო და მიზეზად  ,,მ. სააკაშვილის სექტის“ მომხრეობა დაასახელა.

ეპარქია დაინტერესდა არსებული ვითარებით, რაც დეკანოზმა ლუკამ ნაწილობრივ დაადასტურა (ეს გასული სიუჟეტიდანაც ჩანს).

დეკანიზ ლუკას მღვდელმთავრისაგან მიეცა მკაცრი გაფრთხილება, თუმცა აღნიშვნის ღირსია ქალბატონი რუსუდანისა და მისი მეუღლის მხრიდან აგრესიული და პროვოკაციული გამოსვლები, რასაც  ადასტურებენ სამრევლოს სხვა წარმომადგენლები.

ქალბატონი რუსუდანის მეუღლის მხრიდან განხორციელდა ზარი სამღვდელმთავრო რეზიდენციაში მუქარით, რომ თუკი მათი მოთხოვნა არ დაკმაყოფილდებოდა, ისინი რევოლუციას მოაწყობდნენ ეკლესიაში.

მიუხედავად ამისა, ასეთი დამოკიდებულება გარკვეული სასულიერო  პირების მხრიდან  ყოვლად დაუშვებელია, რადგან ქვეყანაში არსებულ პოლიტიკურ და პოლარიზებულ მდგომარეობას და მის დამშვიდებას ეს ხელს არ შეუწყობს.

ეკლესიაში ყოვლად დაუშვებელია პოლიტიკური ნიშნით დაყოფა და საღმრთო ზიარებაზე არდაშვება, აგრეთვე ამა თუ იმ პოლიტიკური პარტიის მხარდამჭერი მოწოდებები, რომელი პარტიისაც არ უნდა იყოს ის.

მივმართავ ეპარქიის სამღვდელო დასს, ყველა ღონე ვიხმაროთ ქვეყნისა და ამ ქვეყნის მკვიდრთა ერთიანობისთვის, რადგან ღმერთი აერთიანებს, ეშმაკი კი ჰყოფს“,-ნათქვამია, ეპარქიის განცხადებაში.

ასევე დაგაინტერე­­­­სებთ:

🔵პსრ ტესტი პოზიტივი მომივიდა პასუხი, გადავაკონტროლე და ახლა მომივიდა ნეგატივი, ვზივარ კოვიდ სასტუმროში ორი პასუხით - ვატო წერეთელი

🔵ჭიაბერაშვილი მუშაობდა კგბ-ს “ნასედკად”, გიგი უგულავა სოროსის ფონდში დარაჯად იყო გაფორმებული და სააკაშვილის მძღოლად მუშაობდა - სანდრო ბრეგაძე

🔵ძველმა დაქალებმა ლოტოში მოგებული ფული ვერ გაიყვეს და იჩხუბეს