მომდევნო სამი წელი არჩევნები არ იქნება ქვეყანაში, საქმე, საქმე და საქმე – მხოლოდ საქმეზე უნდა ვიფიქროთ - ირაკლი ღარიბაშვილი

საქართველოს პრემიერ-მინისტრი აცხადებს, რომ მთავრობამ წელს უნდა შეცვალოს არსებული სოციალური პოლიტიკა და მოსახლეობას უნდა შეუქმნას სამუშაო ადგილები, შეამციროს სიღარიბე. ირაკლი ღარიბაშვილის განცხადებით,  ეს უნდა იყოს ხელისუფლების მთავარი საზრუნავი ამ წელს.

ამასთან, პრემიერ-მინისტრმა აღნიშნა, რომ მომავალი სამი წელი არჩევნები არ იქნება და ხელისუფლების მთავარი საზრუნავი, მხოლოდ სოციალური ფონის გამოსწორება უნდა იყოს.

ირაკლი რარიბაშვილის განცხადებით, მიმდინარეობს მუშაობა საზოგადოებრივი სამუშაო ადგილების შექმნის თაობაზე და აღნიშნული პროექტი მიმდინარე თვიდან დაიწყება.

„ჩვენ ერთ-ერთი მთავარი პროექტი გვექნება სამუშაო ადგილების საკითხი. მოგეხსენებათ, რომ ჩვენი მთავარი ამოცანაა სიღარიბის შემცირება და სამუშაო ადგილების შექმნა. ამ მიზნით, შეგახსენებთ, ჩემი ინიციატივით ჩვენ დავიწყეთ უკვე მუშაობა საზოგადოებრივი სამუშაო ადგილების შექმნის თაობაზე, ინიციატივაზე. ლევან დავითაშვილის ხელმძღვანელობით ჯგუფი იყო წასული ევროპაში. რამდენიმე ქვეყნის პრაქტიკული მაგალითი დაამუშავეს და ჩვენ უკვე იანვრიდან ვიწყებთ ამ პროექტს. ჩვენ შევქმნით ათიათასობით ახალ სამუშაო ადგილს. ჩვენ უნდა შევცვალოთ არსებული სოციალური პოლიტიკა და მოსახლეობას უნდა შევუქმნათ სამუშაო ადგილები, შევამციროთ სიღარიბე. ეს უნდა იყოს ჩვენი მთავარი საზრუნავი ამ წელს.

მომდევნო სამი წელი მოგეხსენებათ, რომ არჩევნები არ იქნება ქვეყანაში. პოლიტიკური სიტუაცია არის მნიშვნელოვნად დასტაბილურებული და ჩვენ ახლა უნდა ვიმუშაოთ. საქმე, საქმე და საქმე – მხოლოდ საქმეზე უნდა ვიფიქროთ და მოსახლეობას მაქსიმალურად უნდა დავეხმაროთ“, – განაცხადა პრემიერ-მინისტრმა.

ასევე დაგაინტერე­­­­სებთ:

🔵2021 წელს ჩვენ მივაღწიეთ ორნიშნა ეკონომიკურ ზრდას - ირაკლი ღარიბაშვილი

🔵საწვავი ისე გაძვირდა, ალბათ წირვამდე ვეღარ მივალთ, მრევლს ვინ ჩივის, ლამისაა მღვდლები ვერ მივიდნენ ტაძრამდე… - მამა პეტრე

🔵ხანძარს 9 ბავშვის სიცოცხლე სიცოცხლე ემსხვერპლა - დაღუპულთა რიცხვი 19-მდე გაიზარდა (ვიდეო)