სემეკი: „თელმიკოსა“ და „თელასის“ მხრიდან დარღვევების გამოვლენის შემთხვევაში, მოქალაქეებს ზედმეტობით დარიცხული თანხა უკან დაუბრუნდებათ

დარღვევების გამოვლენის შემთხვევაში, კომპანიები დაჯარიმდებიან, ხოლო მოქალაქეებს ზედმეტობით დარიცხული თანხები უკან დაუბრუნდებათ, - ინფორმაციას ენერგეტიკისა და წყალმომარაგების მარეგულირებელი კომისია ავრცელებს.

მათივე ცნობით, კომისიის სპეციალური ჯგუფი ადგილზე შეისწავლის შპს „თელმიკოს“ ბილინგისა და სს „თელასის“ მრიცხველების აღრიცხვის სისტემებს. 

„კომისიის სპეციალური ჯგუფის მიერ შემოწმდება შპს „თელმიკოსა“ და სს „თელასის“ მიერ 2021 წლის 1 დეკემბრიდან 2022 წლის 31 იანვრამდე  პერიოდში მომხმარებლებისათვის მოხმარებული ელექტროენერგიის აღრიცხვისა და საფასურის დარიცხვის შესაბამისობა „ენერგეტიკისა და წყალმომარაგების შესახებ“ საქართველოს კანონისა და მარეგულირებელი კომისიის კანონქვემდებარე ნორმატიული აქტების მოთხოვნებთან. კერძოდ, შპს „თელმიკოსთან მიმართებაში“ ჯგუფი შეისწავლის მომხმარებელზე დარიცხული მომსახურების საფასურის მიმწოდებლის აღრიცხვის მონაცემთა ერთან ბაზაში (ბილინგი) ასახვის, სს „თელასისგან“ აღრიცხვის მონაცემების მიღების, დარიცხული მომსახურების საფასურის კორექტირების, ქვითრის შესწორების მექანიზმების გამართულ მუშაობას“, - წერია განცხადებაში.

სემეკის განცხადებით, ეს გადაწყვეტილება განპირობებულია მოქალაქეთა საჩივრებით, რომლებიც შეეხება  დეკემბერსა და იანვარში მოხმარებული ელექტროენერგიის დარიცხვებს. 

ასევე საინტერესოა:

🔵  მიწის ნაკვეთები, საბანკო სესხები და თანხა ანაბარზე - რა ქონებას ფლობენ თეა წულუკიანი და მისი მეუღლე

🔵 FAO: მცენარეული ზეთის ფასი რეკორდულ ნიშნულზეა

🔵 „უამრავი ადამიანი იტანჯება, ცდილობს წავიდეს თურქეთში სამკურნალოდ, ყიდის სახლს, მეგობრები ფულს უგროვებენ“ - მერაბ მეტრეველი მთავრობას მიმართავს