შალვა პაპუაშვილი: ჩვენ არ ვართ კლასში და ჯგუფხელები არ არიან არც შვედეთი, არც დანია, არც გერმანია, არც საფრანგეთი ადა არც არავინ. დიდ-პატარაობა არ არის წესებზე დაფუძნებულ საერთაშორისო წესრიგში

ჩვენ არ ვართ კლასში და ჯგუფხელები არ არიან არც შვედეთი, არც დანია, არც გერმანია, არც საფრანგეთი ადა არც არავინ. დიდ-პატარაობა არ არის წესებზე დაფუძნებულ საერთაშორისო წესრიგში, - განაცხადა საქართველოს პარლამენტის თავმჯდომარემ შალვა პაპუაშვილმა კითხვის საპასუხოდ ითანამშრომლებდა თუ არა ეუთოს ქვეყნებთან, როდესაც ისინი ჩამოვლენ საქართველოში.

პაპუაშვილის თქმით, როდესაც შვედეთი ცდილობს საქართველოს მენტორობას, ცხვირაწეული ესაუბრება და ჭკუას ასწავლის რაღაც მიმართულებებით, რატომ არ უნდა მიუთითოს საქართველომ იმ ხარვეზებზე, რომელიც მათ ქვეყანაშია.

„როდესაც შვედეთი ცდილობს საქართველოს მენტორობას, ცხვირაწეული გვესაუბრება და ჭკუას გვასწავლის რაღაც მიმართულებებით, რატომ უნდა ვასწავლებინოთ ჭკუა სხვებს და რატომ არ უნდა მივუთითოთ იმ ხარვეზებზე, რომელიც მათ ქვეყნებში არის. ჩვენ ყველას მივუთითებთ იმ ხარვეზებზე და მოვითხოვთ კიდევაც რა რეაგირება იქნება ამაზე.

ჩვენ ან ავყვებით იმ მცირე უსამშობლოების ჯგუფს, რომლებიც ამბობენ, რომ ჩვენ უნდა ვიყოთ საკავშირო რესპუბლიკის დონეზე, როგორც საბჭოთა კავშირში ვიყავით და საბჭოთა მოსკოვიდან ჭკუას გვასწავლიდნენ, ან ასე წარმოგვიდგენია ევროკავშირი, ან ჩვენ ვიქცევით როგორც დამოუკიდებელი, სუვერენული სახელმწიფო, რომელიც უპირველეს ყოვლისა ითხოვს, რომ პატივი სცენ მის სახელმწიფოებრიობას. შეშფოთებული ვართ არა მხოლოდ შვედეთის, არამედ სხვების მიმართაც“, - აღნიშნა პაპუაშვილმა.