შალვა პაპუაშვილი: ხვალინდელი არჩევნებისთვის უკვე დარეგისტრირებულია 28 საერთაშორისო და 27 ადგილობრივი სადამკვირვებლო ორგანიზაცია, 73 მედიაა აკრედიტებული დაკვირვების და გაშუქების მიზნით

ხვალინდელი არჩევნებისთვის უკვე დარეგისტრირებულია 28 საერთაშორისო სადამკვირვებლო, 27 ადგილობრივი სადამკვირვებლო ორგანიზაცია, 73 მედიაა აკრედიტებული დაკვირვების და გაშუქების მიზნით. ჯამში 2500-ზე მეტი დამკვირვებელი და მედია წარმომადგენელი იქნება, ვისაც ექნება საშუალება დააკვირდეს და გააშუქოს ხვალინდელი არჩევნები - განაცხადა პარლამენტის თავმჯდომარემ შალვა პაპუაშვილმა ბრიფინგზე.

„ხვალ იმართება ადგილობრივი თვითმმართველობის არჩევნები. საქართველოს მოქალაქეები აირჩევენ 64 მუნიციპალიტეტის მერს, საკრებულოების 2000-ზე მეტ წევრს. ხვალინდელი არჩევნებისთვის უკვე დარეგისტრირებულია 28 საერთაშორისო სადამკვირვებლო, 27 ადგილობრივი სადამკვირვებლო ორგანიზაცია, 73 მედიაა აკრედიტებული დაკვირვების და გაშუქების მიზნით. ჯამში 2500-ზე მეტი დამკვირვებელი და მედია წარმომადგენელი იქნება, ვისაც ექნება საშუალება დააკვირდეს და გააშუქოს ხვალინდელი არჩევნები. 12 პარტია იღებს მონაწილეობას არჩევნებში. კანდიდატების რაოდენობაც არის დიდი. იცით, რომ დედაქალაქში მერობის 9 კანდიდატია. წინასაარჩევნო გარემომ ჩვენს თვალწინ ჩაიარა და მეტწილად მშვიდი ვითარება იყო. ყველას ჰქონდა საშუალება, რომ ეწარმოებინა საარჩევნო კამპანია. ტრადიციულად, ოპოზიციამ არ ისარგებლა იმ შესაძლებლობით, რომ ჰქონოდა აქტიური კომუნიკაცია მოქალაქეებთან“, - აღნიშნა პაპუაშვილმა.