„ვილოცოთ, თამაზ მეჭიაური კომაშია და არ ვიცით რა იქნება” – რა ინფორმაციას აქვეყნებს მაკა რაზმაძე

ჟურნალისტი, პროდიუსერი მაკა რაზმაძე თამაზ მეჭიაურის ჯანმრთელობის მდგომარეობის შესახებ სოციალურ ქსელში წერს.

,,ბატონ თამაზზე მინდა დავწერო. არასდროს დამიწერია მსგავსი სტატუსი. სხვების არაერთხელ შემხვედრია ხოლმე აქ, მაგრამ მე პირველად ვწერ.

თითოეულ თქვენგანს გულით გთხოვთ, კეთილი სიტყვები, კეთილი აურა, კეთილი სურვილები ან ლოცვა მიუძღვენით ბატონ თამაზს….

უდიდესი ძალა აქვს კეთილ ენერგეტიკას და მე მჯერა, რომ ამდენი ადამიანის სიკეთით და სითბოთი სავსე ენერგია მას გამოიყვანს იმ მძიმე მდგომარეობიდან, რომელშიც არის ახლა…

ის ჩემთვის ერთ-ერთი საყვარელი რესპონდენტია, რომლის წინაშეც ახლა საშინლად დიდ პასუხისმგებლობას ვგრძნობ. გარდა იმისა, რომ საშინლად განვიცდი მის მდგომარეობას. ბოლოს ჩემთან იყო გადაცემაში და რამდენიმე დღეში დამირეკა და მითხრა, რომ კორონა სჭირდა. ახლა კი ხელოვნურ კომაშია და არ ვიცით, რა იქნება ხვალ…

გთხოვთ, ერთად ვთხოვოთ ღმერთს თუ ბუნებას, გადაარჩინოს თამაზ მეჭიაური - ძალიან კარგი კაცი…” - წერს ჟურნალისტი.

თიანეთის ყოფილი მერი, თამაზ მეჭიაური თბილისში, პირველ საუნივერსიტეტო კლინიკაში იმყოფება და მისი ჯანმრთელობის მდგომარეობა მძიმეა. მას კორონავირუსმა ფილტვები დაუზიანა.

ასევე საინტერესოა:

🔵 "მადლობა ყველას, ვინც გულთან ახლოს მიიტანეთ მამას ჯანმრთელობის მდგომარეობა" - ზაზა მეჭიაური

🔵 „თქვენო ღირსებავ… დღემდე თვალებიდან არ ამომდის ატირებული მოსამართლე“ – ნათია მეზვრიშვილი გარდაცვლილ მოსამართლეს ემშვიდობება

🔵 სუს-ის უფროსი „მთავარ არხს“, „ფორმულას" და  ლევან ხაბეიშვილს სასამართლოში უჩივის