არ ჩამოვთვლი ჩვენს მეგობარ ქვეყნებს სახელებით, რადგან არ მინდა ზოგიერთ ქვეყანას შერცხვეს - ვოლოდიმირ ზელენსკი

მე მადლიერი ვარ ქვეყნების, რომლებიც გვერდში უდგანან უკრაინას, არ ჩამოვთვლი ჩვენს მეგობარ ქვეყნებს სახელებით, რადგან არ მინდა ზოგიერთ ქვეყანას შერცხვეს - ამის შესახებ უკრაინის პრეიდენტმა მიუნხენის უსაფრთხოების კონფერენციაზე განაცხადა. ვოლოდიმერ ზელენსკიმ ასევე დაღუპულ უკრაინელ სამხედროზეც ისაუბრა.

"მე მადლიერი ვარ ქვეყნების, რომლებიც გვერდში უდგანან უკრაინას სიტყვით, მიღებული დეკლარაციებითა და კონკრეტული დახმარებით, არიან ქვეყნები, რომლებიც დგანან უკრაინის გვერდით, დგანან სიმართლისა და საერთაშორისო სამართლის გვერდით. არ ჩამოვთვლი ჩვენს მეგობარ ქვეყნებს სახელებით, რადგან არ მინდა ზოგიერთ ქვეყანას შერცხვეს. მაგრამ ეს მათი საქმეა, ეს ამ ქვეყნების კარმაა და მათ სინდისზეა.

თუმცა, არ ვიცი, დღეს უკრაინაში დაღუპული და სამ დაშავებულ ჯარისკაცს როგორ აუხსნიან თავიანთ ქმედებას.

რაც მთავარია, როგორ აუხსნიან სამ გოგოს კიევიდან, ერთი 10-საა, მეორე 6-ის და მესამე სულ რაღაც ერთი წლის, დღეს ისინი დილის 6 საათზე მამის გარეშე დარჩნენ, როდესაც უკრაინელი ოფიცერი ანტონ სიდოროვი ​ დაიღუპა, ჭურვის შედეგად, რომელიც აკრძალულია მინსკის შეთანხმებით.

არ ვიცი რაზე ფიქრობდა ის თავისი სიცოცხლის უკანასკნელ წამებში, ის, ალბათ, არ ფიქრობდა იმაზე, რა სახის დღის წესრიგი გვჭირდება ჩვენ აღმოსავლეთში ომის შესაჩერებლად, მაგრამ მან იცოდა კითხვაზე პასუხი, რომელიც მე დავსვი დასაწყისში, მან კარგად იცის ვინ იტყუება. მარადიული ხსოვნა მას. მარადიული ხსოვნა ყველა დაღუპულს დღეს და ომის დროს ჩვენი ქვეყნის აღმოსავლეთში", - განაცხადა ზელენსკიმ.

ასევე წაიკითხეთ:

🔵კულტურის სამინისტრო: ვიდეო, რომელშიც ხელყოფილია სვანური ცეკვა აბსოლუტურად მიუღებელი ფორმით, მოწმობს, რომ დაცვის ეს მექანიზმები საკმარისი არ არის

🔵"განცხადება, რომ რუსეთი კიევს დაარტყამს სადაზვერვო მონაცემების საფუძველზე, არის აბსურდი" - ზურაბ გურული რუსეთ-უკრაინის კრიზისზე