COVID-ის შემდეგი ვარიანტი უფრო გადამდები იქნება, ვიდრე ეს "ომიკრონია"

ჯანდაცვის მსოფლიო ორგანიზაციის WHO-ს ექსპერტმა მარია ვან კერხოვმა განაცხადა, რომ COVID-ის შემდეგი ვარიანტი უფრო გადამდები იქნება, ვიდრე ეს "ომიკრონია".

ინფორმაციას CNBC ავრცელებს.

გამოცემის ცნობით, "ომიკრონის" ვარიანტი ინფექციების მზარდი რაოდენობის მიზეზია მთელ მსოფლიოში. მიუხედავად იმისა, რომ ომიკრონი, როგორც ჩანს, ნაკლებად საშიშია, ვიდრე მისი წინა ვარიანტები, ინფექციის შემთხვევების დიდმა რაოდენობამ შეიძლება ჯანდაცვის სისტემების გადატვირთვა მაინც გამოიწვიოს.

როგორც CNBC წერს, ბოლო ერთ კვირაში რეკორდული რაოდენობის, დაახლოებით 21 მილიონი შემთხვევა დაფიქსირდა.

რას უნდა ველოდეთ მომავალში და როდის დასრულდება პანდემია?

WHO-ს ექსპერტმა მარია ვან კერხოვმა განაცხადა, რომ შემდეგი ვარიანტი უფრო გადამდები იქნება, შესაბამისად, გავრცელებით ის ომიკრონსაც გადაასწრებს.

თუმცა, აქ მთავარი ისაა თუ რამდენად ლეტალური იქნება ახალი შტამი.

ამ ყველაფრის ფონზე მნიშვნელოვანია, რომ Pfizer ომიკრონის საწინააღმდეგო ვაქცინის გამოცდას იწყებს.

ჯანმოს გადაუდებელი პროგრამების დირექტორმა მაიკ რაიანმა აღნიშნა, რომ მოსალოდნელია ვირუსმა სეზონური გრიპის სახე მიიღოს, ან პერიოდული ეპიდემიებით გამოირჩეს.

იგივე ვარაუდი ბილ გეიტსმაც გამოთქვა. მისი აზრით, ომიკრონის გავრცელებასთან ერთად, კორონავირუსი გრიპის მსგავსი გახდება.

საბოლოოდ, WHO-ს ექსპერტებმა აღნიშნეს, რომ ვირუსი კვლავ არაპროგნოზირებადია და რთულია იმის თქმა, თუ როდის და რა სახით დასრულდება პანდემია.

სხვა სიახლეები:

🔳 "ინვალიდი დავიბადე, 15 წლისას მამა ჩამაკვდა ხელში 22 წლის ასაკში დედა. წამით შეადარე შენი ცხოვრება ჩემსას და რამდენ პლიუსაც იპოვი იმდენჯერ გაიცინე" - მაგდა გოგებაშვილის ემოციური პოსტი

🔳 BLB: მოსამართლემ „ნეტფლიქსის“ შუამდგომლობა, საქმის წარმოების შეწყვეტის შესახებ, არ დააკმაყოფილა

🔳 სოციალურ ქსელში უკრაინის მხარდამჭერი პეტიცია გავრცელდა