დონალდ ტრამპი: თუ თეირანი საზღვაო მიმოსვლას შეაფერხებს, მკაცრ სანქციებს დავაწესებთ

აშშ-ის პრეზიდენტი დონალდ ტრამპი თეირანს ახალი შეზღუდვებითა და სამხედრო ზომების გაგრძელებით ემუქრება. მისი თქმით, თუ ირანი საზღვაო მიმოსვლის შეფერხებას კვლავ შეეცდება, ვაშინგტონი მის წინააღმდეგ დამატებით მკაცრ სანქციებს დააწესებს.

როგორც ამერიკის ლიდერმა აღნიშნა, აშშ-ს ირანზე ზეწოლის საკმარისი ბერკეტები გააჩნია. მისი შეფასებით, ამ ეტაპზე სრუტეში ნაოსნობა ღიაა, გემები შეუფერხებლად გადაადგილდებიან და დაწესებულმა საზღვაო ბლოკადამ საკმაოდ ეფექტურად იმუშავა.

„ჩვენ გვაქვს შესაძლებლობები, რომ სანქციები დავაწესოთ. გვაქვს ძალიან მკაცრი სანქციები და ვნახავთ, რა მოხდება. ამჟამად სრუტე ღიაა. ბევრი გემი გადის. შესაძლოა, გარკვეულ ეტაპზე ეს მოძრაობა ცოტათი შენელდეს, მაგრამ ამჟამად ბევრი გემი გადის. საზღვაო ბლოკადამ ძალიან ეფექტურად იმუშავა“, - განაცხადა ტრამპმა.

ამასთან, ტრამპმა ხაზგასმით აღნიშნა, რომ თეირანის მხრიდან არათანამშრომლობის შემთხვევაში, აშშ-ის სამხედრო ოპერაციები არ შეჩერდება. პრეზიდენტის განცხადებით, მოვლენები ორი სცენარით შეიძლება განვითარდეს: პროცესები მშვიდობიანად დასრულდეს და ნავთობზე ფასები შემცირდეს, ან ვაშინგტონმა ირანის მიმართ არსებული ხისტი პოლიტიკა უცვლელად გააგრძელოს.