ჯოკოვიჩმა სასამართლო მოიგო - მოსამართლემ დაადგინა, რომ არავაქცინირებულ ჩოგბურთელს სამედიცინო გამონაკლისი ჰქონდა

ნოვაკ ჯოკოვიჩმა მოიგო სააპელაციო სასამართლოში გადაწყვეტილება, რომელიც მისთვის ვიზაზე უარის თქმას შეეხებოდა, ავსტრალიის ღია პირველობის წინ. თუმცა, ქვეყნის მთავრობის ადვოკატებმა მსოფლიოს პირველი ჩოგბურთრლი გააფრთხილეს, რომ შეზღუდვები მაინც შეეხება, თუ მინისტრი გამოიყენებს "გაუქმების პირად უფლებამოსილებას".

34 წლის ჯოკოვიჩი ახლა თავისუფლად შეძლებს დატოვოს სასტუმრო პარკი კარლტონში - სადაც მან გაატარა ბოლო ოთხი ღამე ლტოლვილებთან და დაკავებულებთან ერთად - ადგილობრივი დროით საღამოს 7 საათისთვის.

მთავრობის ადვოკატმა კრისტოფერ ტრანმა განჩინების შემდეგ  მოსამართლეს განუცხადა, რომ იმიგრაციის, მოქალაქეობის, მიგრანტების მომსახურებისა და მულტიკულტურული საკითხების მინისტრი ალექს ჰოუკი „განიხილავს, გამოიყენოს თუ არა გაუქმების პირადი უფლებამოსილება“.

ეს ნიშნავს, რომ ჯოკოვიჩს შესაძლოა კვლავ დაემუქროს დეპორტაცია და გამოტოვოს ავსტრალიის ღია პირველობა, რომელიც 17 იანვარს დაიწყება.

მსოფლიოს ნომერ პირველი ჩოგბურთელი, ნოვაკ ჯოკოვიჩი, რომელიც ავსტრალიის ღია პირველობაზე მიემგზავრებოდა, ქვეყანაში არ შეუშვეს.

ჯოკოვიჩი აეროპორტში რამდენიმე საათი ალოდინეს, შემდეგ კი განუცხადეს, რომ ავსტრალიაში შესვლის წესებს ვერ აკმაყოფილებდა. ჩოგბურთელი სასტუმროში გადაიყვანეს, ხოლო მისი დეპორტაციის საკითხს სასამართლო ორშაბათს გადაწყვეტს.

ჯოკოვიჩი ვაქცინაციის სტატუსის შესახებ საჯაროდ არ საუბრობს, მაგრამ გასულ წელს მან განაცხადა, რომ "ვაქცინაციის წინააღმდეგი" იყო.

მომზადებულია dailymail.co.uk-ის მიხედვით.

ასევე დაგაინტერე­­­­სებთ:

🔵ხანძარს 9 ბავშვის სიცოცხლე სიცოცხლე ემსხვერპლა - დაღუპულთა რიცხვი 19-მდე გაიზარდა (ვიდეო)

🔵კოვიდინფიცირებულ ბავშვებს 166%-ით უფრო ხშირად დაესვათ დიაბეტის დიაგნოზი - გიორგი ფხაკაძე

🔵31 ადამიანი გარდაიცვალა, კორონავირუსით კიდევ 2 953 პირი დაინფიცირდა