დავით არახამია: უკრაინამ არჩევნებში ჰიბრიდული კენჭისყრის შესაძლებლობა უნდა განიხილოს

უკრაინის პარლამენტში ფრაქცია „ხალხის მსახურის“ თავმჯდომარემ დავით არახამიამ განაცხადა, რომ უკრაინამ უნდა განიხილოს, შესაძლებელია თუ არა ჰიბრიდული ხმის მიცემის - ონლაინ და ოფლაინ - გამოყენება არჩევნებში.

საზღვარგარეთ უკრაინელების ხმის მიცემაზე საუბრისას მან აღნიშნა, რომ საზღვარგარეთ უბნების გამტარუნარიანობა შესაძლოა, შეზღუდული იყოს.

„შესაბამისად, საჭირო იქნება, გადაწყდეს, გავაკეთოთ ეს რამდენიმე დღის განმავლობაში, თუ დავუბრუნდეთ ონლაინ მექანიზმების გამოყენებით ჰიბრიდული ხმის მიცემის საკითხს“, - აღნიშნა არახამიამ.

მან იმედი გამოთქვა, რომ სამუშაო ჯგუფი განიხილავს ჰიბრიდული ხმის მიცემის შესაძლებლობას - როგორც ონლაინ, ასევე ოფლაინ რეჟიმში. „იმიტომ, რომ ჩვენ ჯერ კიდევ ძალიან, ძალიან დიდი და რთული პროცესი გვაქვს - ეს არის დევნილთა, იძულებით გადაადგილებულ პირთა ხმის მიცემა“, - განაცხადა დეპუტატმა.

ფრაქციის ლიდერმა ხაზგასმით აღნიშნა, რომ არჩევნების დროს ყურადღება უნდა გამახვილდეს ამომრჩეველთა აქტივობის მაქსიმიზაციაზე, რათა თავიდან აიცილონ არჩევნების არალეგიტიმურად გამოცხადების საფუძველი.

„ვფიქრობ, ჩვენ შეგვიძლია მაქსიმალურად გავზარდოთ აქტივობა ხმის მიცემის ვარიანტების გაფართოებით: ან რამდენიმე დღის დამატებით, ან ონლაინ ხმის მიცემის შესაძლებლობის დამატებით“, - აღნიშნა არახამიამ.