კორონავირუსით ინფიცირების 5-ჯერ მომატების ფონზე, იგეგმება თუ არა ქვეყანაში ლოკდაუნი? - ჯანდაცვის მინისტრის განმარტება

ჯანდაცვის მინისტრის, ზურაბ აზარაშვილის თქმით, ინფიცირების დღიური მონაცემები, გასულ კვირასთან შედარებით, 5-ჯერ არის მომატებული, თუმცა ეს შეშფოთების საფუძველს არ იძლევა.

მინისტრმა აღნიშნა, რომ მსურველებს შეუძლიათ ვაქცინაციის ჩატარებაც, ქვეყანაში რამდენიმე ტიპის ვაქცინაა შესაძლებელი.

"როგორც ჯერ კიდევ იანვარში ვამბობდი და მაშინ ბევრს გაუკვირდა, რომ ეს გადაიქცეოდა ჩვეულებრივ ენდემურ ვირუსად, რომელიც პერიოდულად შეგვახსენდებდა თავს, იგივე მიმდინარეობა აქვს და იმავეს ადასტურებენ ინფექციონისტებიც, არ არის არაფერი საშიში და საპანიკო.

ინფიცირების შემთხვევაში, შეგვიძლია მშვიდად გადავიტანოთ, ვიმკურნალოთ.

რამე შეზღუდვების, ჩაკეტვის თუ სხვადასხვა აკრძალვების შემოტანის საფუძველი დღეს არ არის და დარწმუნებული ვარ, არც იქნება.

არ განიხილება, ასევე, სამედიცინო დაწესებულებების გარდა, სხვა სივრცეებში ნიღბის ტარების აუცილებლობაც.

ამ მონაცემებით, ამისი საჭიროება არ იკვეთება, 100 და 500 რომ ერთმანეთისგან 5-ჯერ განსხვავდება, არ არის იმისი საფუძველი, რომ მძიმე ეპიდემიოლოგიური სიტუაციაზე ვიმსჯელოთ.

ჩვენ გვახსოვს სხვადასხვა წელს სხვადასხვა რესპირატორიული ინფექცია, მაშინ რომ აღგვერიცხა, იქნებ ათასობით შემთხვევა ყოფილიყო.

დღეს რადგან კოვიდპანდემიაა და მივყვებით სტატისტიკის აღირცხვას, ეს არის მხოლოდ, თორემ სხვა ვირუსები გაცილებით მეტი გვქონდა სტატისტიკურად და არანაირი შეშფოთების საფუძველი არ გვაქვს", - განაცხადა მინისტრმა. 

ასევე დაგაინტერესებთ:

* მთავრობის კეთილსინდისიერების 2022 წლის ინდექსით საქართველო მსოფლიოში 35-ე ადგილზე გავიდა და ევროპის ქვეყნების საუკეთესო ოცეულში დაწინაურდა - ირაკლი ღარიბაშვილი

* ბოლო მონაცემებით, დღეს სოფელ სამებასთან 50, წლის განმავლობაში კი 10 ათასი მიწისძვრა დაფიქსირდა