ლევან მაჭავარიანი: ძალიან ლოგიკურია, რომ რადიკალები ახლა ითხოვენ ვიზალიბერალიზაციის შეჩერებას საქართველოსთვის იქიდან გამომდინარე, რომ ისეთ მდგომარეობაში არიან, პულსი ფიზიკურად არ ესინჯებათ

„გვახსოვს, ხელს როგორ გვიშლიდნენ, როდესაც ფორმდებოდა ასოცირების ხელშეკრულება, ევროკავშირთან ვიზალიბერალიზაციის ხელშეკრულების გაფორმებისას კი, კაბინეტ-კაბინეტ დადიოდნენ, რომ სტატუსი ჩვენთვის არ მოეცათ“, - ამის შესახებ ფრაქცია „ქართული ოცნების“ თავმჯდომარის პირველმა მოადგილემ ლევან მაჭავარიანმა ოპოზიციაზე საუბრისას განაცხადა.

მისი თქმით, ოპოზიციაში ჰგონიათ, რომ ევროკავშირი თუ ამ ნაბიჯს გადადგამს, ამ შემთხვევაში ქაოსს შემოიტანენ საქართველოში.

„ჩვენ კარგად გვახსოვს, ხელს როგორ გვიშლიდნენ, როდესაც ფორმდებოდა ასოცირების ხელშეკრულება, ევროკავშირთან ხელს როგორ გვიშლიდნენ, როდესაც ვიზალიბერალიზაციის ხელშეკრულება ფორმდებოდა ევროკავშირთან, როგორ დადიოდნენ კაბინეტ-კაბინეტებში, რომ კანდიდატის სტატუსი ჩვენთვის არ მოეცათ.

შესაბამისად, რა თქმა უნდა, ძალიან ლოგიკურია, ეს რადიკალები ახლა ითხოვენ ვიზალიბერალიზაციის შეჩერებას საქართველოსთვის იქიდან გამომდინარე, რომ ისეთ მდგომარეობაში არიან, რომ პულსი ფიზიკურად არ ესინჯებათ, ბოლომდე გამარგინალებულები არიან და ჰგონიათ, რომ ევროკავშირი ამ ნაბიჯს გადადგამს, რისი არანაირი სამართლიანი საფუძველი ჩვენ არ მიგვიცია, ამ შემთხვევაში ქაოსს შემოიტანენ საქართველოში და რაღაცა მორიგი რევოლუციური სცენარის დაგეგმვით იქნებიან დაკავებულები, შესაბამისად, ეს, რა თქმა უნდა, მათ დღის წესრიგს წარმოადგენს“, - აღნიშნავს მაჭავარიანი.