ლევან მაჭავარიანი: უცნაურია, რატომ ხარჯავენ ფულს ჯო უილსონზე, ადამიანზე, რომელიც ვაჭრობდა ინაუგურაციაზე ბილეთებით, რომელიც ვაჭრობს სხვადასხვა დროშებით, ამ ადამიანს კიდევ ფულს უხდიან, რომ რეზოლუციის ტექსტები შეადგინოს

„ჩემთვის უცნაურია რატომ ხარჯავენ ფულს ჯო უილსონზე, ადამიანზე, რომელიც ვაჭრობდა ინაუგურაციაზე ბილეთებით, რომელიც ვაჭრობს სხვადასხვა დროშებით“, - განაცხადა გადაცემაში „იმედი Live“ ფრაქცია „ქართული ოცნების“ თავმჯდომარის პირველმა მოადგილემ ლევან მაჭავარიანმა.

მისივე თქმით, საერთაშორისო რეზოლუციებს ქართულ საზოგადოებაში მღელვარება 5 წლის წინ შეჰქონდა, თუმცა ისინი დღეს საქართველოს მოქალაქეებისთვის საინტერესო აღარ არის.

„ჩემთვის უცნაურია, რატომ ხარჯავენ ფულს ჯო უილსონზე, ადამიანზე, რომელიც ვაჭრობდა ინაუგურაციაზე ბილეთებით, რომელიც ვაჭრობს სხვადასხვა დროშებით, რომელიც ფულს იღებს ლობიზმში და ეს დადასტურებულია ფარას კანონით, ამ ადამიანს კიდევ ფულს უხდიან, რომ რეზოლუციის ტექსტები შეადგინოს“, - განაცხადა მაჭავარიანმა.

მისივე თქმით, ყველა ევროპული ინსტიტუტი პოლიტიზებულია და ამით ისინი საკუთარ რეპუტაციას აზიანებენ.

„ამ რეზოლუციებით „ქართულ ოცნებას“, საქართველოს, ქართველ ხალხს აბსოლუტურად ვერაფერს დაგვაკლებენ. გადახედონ 5 წელიწადს - ერთი ნაბიჯით ვერ დაგვახევინეს უკან, ჩვენი ეროვნული ინტერესების დაცვისას. გამორიცხულია ეს მოხდეს, სულ რომ გააასმაგონ ეს ზეწოლა და შანტაჟი“, - განაცხადა ლევან მაჭავარიანმა.