„ნაციონალური მოძრაობის“ მხარდამჭერებს სურთ, სააკაშვილის თავს რაღაც დრამატული მოხდეს, ვინაიდან ჭამს და მკურნალობს, ახლა უჩხიკინებენ, გასხივებენო“ - ალეკო ელისაშვილი

„ნაციონალური მოძრაობის“ მხარდამჭერებს სურთ, სააკაშვილის თავს რაღაც დრამატული მოხდეს, ვინაიდან ჭამს და მკურნალობს, ახლა უჩხიკინებენ, გასხივებენო“, - ამის შესახებ პარტია „მოქალაქეების“ ლიდერმა ალეკო ელისაშვილმა განაცხადა.

როგორც მან „პირველ არხს“ განუცხადა, „ნაციონალურ მოძრაობაში“ იყვნენ ადამიანები, რომელთაც ერთი სული ჰქონდათ, სააკაშვილს რაიმე დამართოდა და რევოლუციის შანსი ჰქონოდათ.

„ქართული ოცნება“ და „ნაციონალური მოძრაობა“ ერთმანეთს ეჯიბრებიან, რომელი უფრო მეტ სისულელეს დააბრეხვებს. სოციალისტური შეჯიბრებაა გაჩაღებული. ეკა ტიკარაძე გამობრძანდა და თქვა, რომ ვისაც კოვიდი გადატანილი გაქვთ, უვადო მწვანე პასპორტი – უვადო კოვიდ „ნარუშილოვკა“ უნდა ჰქონდეთო.

პატარა ბავშმაც კი იცი, რომ ექვსი თვის შემდეგ ანტისხეულები აღარ არის. ამ იგავმიუწვდომელ სისულელის მერე მეგონა, რომ არაფერი გამაკვირვებდა. „ნაციონალური მოძრაობის“ წევრმა თქვა, რომ მიხეილ სააკაშვილის მიმართ დამიზნებით სხვივები მიდის. იქ ასობით ადამიანი მუშაობს და მკურნალობს.

ასეთი სისულელე თქვა და საღამოს გადაცემებში ალაპარაკებდნენ. შემდეგ სხვა ოპოზიციონერები გამოჩნდნენ, რომლებიც ამ სისულელეში შეეცილნენ. გულდასაწყვეტია, რომ „ქართული ოცნებისა“ და „ნაციონალური მოძრაობის“ შეჯიბრში იმდენი დრო იკარგება, რომ მიღმა რეალური პრობლემები გვრჩება.

როცა სააკაშვილი შიმშილობდა, ორივე მხარეს უნდოდა, სიკვდილამდე მისულიყო. „ქართულ ოცნებას“ ერთი სული ჰქონდა, ეს კაცი თავიდან მოეცილებინა.

„ნაციონალურ მოძრაობაში“ ადამიანები იყვნენ, რომელთაც ერთი სული ჰქონდათ, სააკაშვილს რაიმე დამართნოდა და რევოლუციის შანსი ჰქონოდათ. როგორც ჩანს, ეს განცდა მხოლოდ მე არ მქონდა, რადგან მის შვილსაც იგივე განცდა ჰქონდა. „ნაციონალურ მოძრაობაში“ ძალიან ბევრს ერთი სული ჰქონდა, მომკვდარიყო.

მგონი, მე მარტო ვგულშემატკივრობდი, შიმშილობა შეეწყვიტა. ადამიანურად მეცოდებოდა, პოლიტიკურად – არა. უჩხიკინებდნენ და აქეზებდნენ. ახლაც იგივე გრძელდება, „ნაციონალური მოძრაობის“ მხარდამჭერებს უნდათ, რაიმე დაემართოს და სააკაშვილის თავს რაღაც დრამატული მოხდეს. ვინაიდან, გორის ჰოსპიტალში გადაიყვანეს, ჭამს და მკურნალობს, ახლა უჩხიკინებენ გასხივებენო“, – განაცხადა ალეკო ელისაშვილმა.

ამავე თემაზე:

🔵 მესამე პრეზიდენტის ფანჯარასთან დგას მანქანა, რომელიც ასხივებს ელექტრომაგნიტურ ტალღებს - ეს ადამიანის ფსიქიკურ შეშლილობას, ჯანმრთელობის მოსპობას და სიკვდილს იწვევს - გიორგი ჩალაძე

🔵 დიახ, მე 6 ოქტომბერს მოგაწოდეთ ინფორმაცია, რომ იგეგმებოდა სააკაშვილის სიკვდილი ან დასხივებით – რადიო ტალღებით მისი ნერვიული აშლილობა და დემორალიზება-თაკო ჩარკვიანი