„როდესაც პატიმარი პენიტენციურ სამსახურს ეწინააღმდეგება, ლეგიტიმურია პროპორციული ძალის გამოყენება“ - პარლამენტის ადამიანის უფლებათა დაცვის კომიტეტის თავმჯდომარე

„როდესაც პატიმარი პენიტენციურ სამსახურს კონკრეტული გადაწყვეტილების აღსრულებაში ეწინააღმდეგება, ლეგიტიმურია გადაწყვეტილება შესაბამისი პროპორციული ძალის გამოყენებით აღსრულდეს", - ამის შესახებ საქართველოს პარლამენტის ადამიანის უფლებათა დაცვის კომიტეტის თავმჯდომარემ, სპეციალური პენიტენციური სამსახურის მიერ, მიხეილ სააკაშვილის მე-18 დაწესებულებაში გადაყვანის გასაჯაროებულ კადრების  შესახებ განაცხადა.

როგორც  მიხეილ სარჯველაძემ აღნიშნა, პოლიტიკური პრეფერენციების მიუხედავად, გავრცელებული კადრები არავისთვის სასიამოვნოდ საყურებელი არ იყო.

„როდესაც პატიმარი პენიტენციურ სამსახურს კონკრეტული გადაწყვეტილების აღსრულებაში ეწინააღმდეგება, ლეგიტიმურია გადაწყვეტილება შესაბამისი პროპორციული ძალის გამოყენებით აღსრულდეს – როცა პატიმარი დაწესებულებაში შესვლას არ აპირებს, ამ დროს, რა უნდა მოხდეს? წინააღმდეგობა გასწია და ძალის გამოყენება ძალაუნებურად აუცილებელი გახდა. მეორე ხარისხოვანია მიხეილ სააკაშვილის გადაყვანა მოხდა თუ არა მოტყუებით, რაც დადასტურებული არ არის. ეს არ არის სააკაშვილთან პოლიტიკური ანგარიშსწორების და პოლიტიკური ბრძოლის ხერხი. გამორიცხულია ხელისუფლებაში ვინმე ასე ფიქრობდეს“, – განაცხადა საქართველოს პარლამენტის ადამიანის უფლებათა დაცვის კომიტეტის თავმჯდომარემ.

როგორც სარჯველაძე ამბობს, გავრცელებულ კადრებში აშკარად ჩანს, რომ მიხეილ სააკაშვილი რუსთავის საპატიმრო დაწესებულებას ნებაყოფლობით ტოვებს.

„შემდეგ როდესაც ის გლდანის კლინიკაში შედის, პენიტენციური სამსახურის თანამშრომლებს წინააღმდეგობას უწევს, ამას თავად სააკაშვილი მოტყუებით ხსნის. როგორც სამინისტრო განმარტავს, რომ ითქვა, მისი გადაყვანა კლინიკაში ხდებოდა, არ იყო დაკონკრეტებული, თუ რომელ კლინიკაში ხდებოდა გადაყვანა. დადგინდება და გაირკვევა, მან მართლა ასე აღიქვა თუ შემდგომ შეიცვალა პოზიცია. გადაწყვეტილებას იმის შესახებ, თუ რომელ პენიტენციურ დაწესებულებაში უნდა მოხდეს პატიმრის განთავსება, თავად პენიტენციური სამსახურის იღებს. ასევე პენიტენციური სამსახური წყვეტს, უნდა გადაიყვანონ თუ არა პატიმარი კერძო კლინიკაში. აქედან გამომდინარე, მეორე ხარისხოვანია, მიხეილ სააკაშვილის გადაყვანა მოტყუებით მოხდა, თუ შემდგომ შეიცვალა პოზიცია.“ - განაცხადა მიხეილ სარჯველაძემ.

ამავე თემაზე:

🔵  "ვინ ჩემი ფეხები ხართ, რომ დაგემორჩილოთ? პუტინის მონებო!" - მიხეილ სააკაშვილის მორიგი ვიდეო ვრცელდება

🔵 სახელმწიფო ინსპექტორი: მოვუწოდებთ იუსტიციის სამინისტროსა და პენიტენციურ სამსახურს, შეწყვიტონ სააკაშვილის პერსონალური მონაცემების შემცველი ვიდეოჩანაწერების გასაჯაროება