საქართველოს პრეზიდენტი: არჩევნები დასრულდა თუმცა, რეალურად გამარჯვებულად თავი არავინ უნდა ჩათვალოს

მიუხედავად არნახული პოლარიზაციისა და სიძულვილის ენის გამოყენებისა, ამომრჩევლებს ჰქონდათ მშვიდ და თავისუფალ გარემოში არჩევანის გაკეთების შესაძლებლობა, - განცხადება საგანგებო ბრიფინგზე საქართველოს პრეზიდენტმა სალომე ზურაბიშვილმა გააკეთა.

მისი განცხადებით, არჩევნები დასრულდა თუმცა, რეალურად გამარჯვებულად თავი არავინ უნდა ჩათვალოს, რადგან გამარჯვებული არც ქვეყანაა და არც საზოგადოება. ყველას აქვს ერთი კითხვა რა იქნება ახლა? როგორ და რა ფორმით უნდა დასრულდეს დესტაბილიზაცია.

„მინდა მივულოცო გამარჯვება ახალ არჩეულ საკრებულოს წევრებს, მერებს და წარმატებული საქმიანობა ვუსურვო ქვეყნის სამსახურში. არჩევნებმა ჩაიარა მშვიდად, უპრეცედენტოდ დაბალი იყო ინციდენტების რაოდენობა თვით უბნებში. არჩევნები ჩატარდა თავისუფლად, ოპოზიციის საგრძნობლად გაუმჯობესებული შედეგები პირდაპირ კავშირშია ამომრჩევლის ნების თავისუფალ გამოხატვასთან. ასევე კანდიდატებს შედეგებს შორის განსხვავების შემცირება დამახასიათებელია დემოკრატიული არჩევნებისთვის“, - განაცხადა სალომე ზურაბიშვილმა.

როგორც პრეზიდენტმა აღნიშნა, ნიშანდობლივია, რომ ცესკოს მიერ საარჩევნო პროცესის ადმინისტრირება შეფასდა როგორც პროფესიონალიზმის მაღალი დონე. არჩევნები დასრულდა, თუმცა რეალურად გამარჯვებულად თავი არავინ უნდა ჩათვალოს, რამე თუ გამარჯვებული არც ქვეყანაა და არც საზოგადოება. ქვეყანას სჭირდება დაწყნარება და სტაბილურობა, რათა დაუბრუნდეს განვითარების გზას, საზოგადოებას კი მშვიდობა, პოლიტიკური დაპირისპირებიდან საქმეზე გადასვლა. ერთის მხრივ კონცენტრირება იმ მთავარ საკითხებზე, რომლის დაძლევა მარტო არცერთ ძალას შეუძლია და მეორეს მხრივ დესტაბილიზაციის მცდელობებით დასრულება ვინაიდან დესტაბილიზაცია მხოლოდ გარე ძალებს თუ უწყობს ხელს.

სალომე ზურაბიშვილმა, ასევე თქვა რომ იგი არასოდეს შეიწყალებს ქვეყნის მესამე პრეზიდენტს.

ასევე დაგაინტერესებთ:

🔵"ჩემი პოზიცია ყოფილი პრეზიდენტის შეწყალებაზე მყარი და უცვლელია, არა და არასოდეს" - სალომე ზურაბიშვილი