რამდენი ბერძენი აცხადებს უარს ვაქცინაციაზე და რა მიზეზით ?!

საბერძნეთში ჩატარებული კვლევების თანახმად, კორონავირუსის საწინააღმდეგო ვაქცინით აცრილ მოქალაქეთა რაოდენობა სტაბილურად იზრდებოდა 2021 წლის იანვრიდან ოქტომბრის ჩათვლით.

შემდეგ პერიოდში კი ვაქცინაციის მსურველთა რიცხვი მცირედით გაიზარდა. 

2022 წლის დასაწყისში, ბერძენთა 9% ანუ თითქმის 10-დან ერთი კატეგორიულად გამორიცხავს ვაქცინაციას, 8%-ს კი  ჯერ არ აქვს გადაწყვეტილი  (მათი პასუხია: შეიძლება გავიკეთო, შეიძლება არა) საერთო ჯამში მათი რაოდენობა ვინც, ასე თუ ისე უარი განაცხადა ვაქცინაციაზე შეადგენს 17%-ს.

საბერძნეთში Focus Bari-ს მიერ ჩატარებულმა უახლესმა კვლევამ ცხადყო თუ რატომ უარყოფს კორონავირუსს საბერძნეთის მოქალაქეების გარკვეული ნაწილი, რატომ ყოყმანობენ ჯერ კიდევ ვაქცინაციის გაკეთებაზე ან რატომ უარყოფენ მას კატეგორიულად. 

2021 წლის ბოლო სურათის მიხედვით 5 -დან 4 -მა (85%) ბერძენმა უკვე დანიშნა ვიზიტი ვაქცინაციის გასაკეთებლად. 

პროცენტულად ყველაზე მეტია, 44 წლამდე მოქალაქეები, რომელთაც ჯერ არ გადაუწყვეტიათ გაიკეთებენ თუ არა კორონავირუსის საწინააღმდეგო ვაქცინაციას, ხოლო ანტივაქსერები სტაბილურად არიან ყველა ასაკობრივ ჯგუფების კატეგორიებში.

გამოკვლევის თანახმად ვლინდება, რომ ვაქცინაციის უარმყოფელთა მთავარ მიზეზს წარმოადგენს ის ფაქტი, რომ მათ არ სურთ გაიკეთონ ის რასაც აიძულებენ (დაახლოებით 65%-ს ანუ სამიდან ორს) დანარჩენს კი ეჭვი ეპარებათ ვაქცინაციის შემადგენლობაში და იმაზე, თუ როგორი გავლენა შეიძლება მოახდინოს მან ადამიანის ჯანმრთელობაზე.  

ვაქცინაციისადმი ნეგატიურად განწყობილი: 57% მიიჩნევს, რომ ვაქცინა ჯერ არ არის გამოცდილი და ის ექსპერიმენტულია. 43%-ს ეშინია მისი გვერდითი მოვლენების. 21% საერთოდ არ სჯერა პანდემიის არსებობის, ხოლო 14 % აცხადებს, რომ მიეკუთვნება განსაკუთრებული ჯგუფის კატეგორიებს, რომელთათვისაც ვაქცინაცია არ არის რეკომენდებული.

Focus Bari-ის მიერ ჩატარებულ კვლევებში მონაწილეობდა 18 -დან 74 წლამდე ასაკის საბერძნეთის 1002 მოქალაქე. 

ასევე საინტერესოა

🔴საბერძნეთში, კორონავირუსით ინფიცირებული ქალის გარდაცვალებაში ბრალი მის მკურნალ ექიმს ედება

🔴როგორ შეამციროთ ელექტროენერგიის გადასახადი საბერძნეთში - სასარგებლო რჩევები

🔴საბერძნეთში 4 ბალიანი მიწისძვრა მოხდა