უკრაინაში რუსეთის შეჭრის გამო „ნაქსუს გრავიერა“-ს საფრთხე ემუქრება

საბერძნეთის კუნძულ ნაქსოსზე ფერმერები და მწარმოებლები საკვებისა და ენერგიის ფასის  ზრდის გამო სასოწარკვეთილებაში არიან.  

ინფორმაციას ბერძნული მედია ავრცელებს. 

ნაქსოსის სასოფლო-სამეურნეო კოოპერატივების ასოციაციის პრეზიდენტის განცხადებით "ბოლო დროს 300-ზე მეტი ძროხა და 30000-ზე მეტი ცხვარი და თხა დაიკლა, რომლებიც სხვა პირობებში პროდუქტიული ცხოველები იქნებოდნენ“. 
რის შედეგადაც სუპერმარკეტების თაროებიდან ცნობილი „ბრენდირებული“ პროდუქტის „ნაქსუს გრავიერა“ (γραβιέρα της Νάξου) გაქრება. შესანიშნავი ხარისხისა და გემოს ცნობილი ყველი ძალიან პოპულარულია და  მხოლოდ ნაქსოსში წარმოებული რძისგან მზადდება.

"მეზობელი კუნძულიდან რძეს ვერ ჩამოვიტანთ, რადგან ჩვენ მკაცრად ვიცავთ მის ტრადიციულ რეცეპტს (სავაჭრო ნიშანს) “, - ამბობს ბატონი კაპუნისი.  

მისი თქმით, ბოლო დრომდე კუნძულს რძით,  130000 ცხვარი და თხა და 4000 ძროხა ამარაგებდა "„არ ვიცი, ახლა რამდენი მათგანია ცოცხალი. ჩვენ ველოდებით ინვენტარის მონაცემებს. ამ დროისთვის კუნძული 34 ტონა რძეს აწარმოებს, შარშან ამავე დროს 40 ტონა გვქონდა. საქონლის შემცირების გარდა, ეს გამოწვეულია იმითაც, რომ ინფლაციის გამო ცხოველები სათანადოდ არ იკვებებიან, რის შედეგადაც ისინი აღარ იძლევიან იმდენ რძეს რამდენიც საჭიროა“.

როგორც მან აღნიშნა, ფერმერები, დეფიციტში მყოფი და გაძვირებული, ცხოველის საკვების შესაძენად იძულებულნი გახდნენ  ბულგარეთში გადასულიყვნენ.

ნაქსოსის სასოფლო-სამეურნეო კოოპერატივების ასოციაციის პრეზიდენტი, სახელმწიფოს მოუწოდებს, დაუყოვნებლივ მიიღოს ზომები ამ პრობლემის მოსაგვარებლად.  

ასევე საინტერესოა

🔵საბერძნეთის პოლიცია, მოწმის ჩვენებაზე დაყრდნობით ვარაუდობს, რომ ბერძენი მაფიოზის ერთ-ერთი მკვლელი ქართველია

🔵9 მაისს, ათენის ცენტრში შადრევანი უკრაინის დროშის ფერებით განათდა

🔵საბერძნეთში, 36 წლის ქალმა ყოფილ მეუღლეს სამსახურში მიაკითხა და სცემა