50 ქართველი მოსწავლე, იტალიის ქალაქ ბარიში ქართულ წერა-კითხვას სწავლობს

საქართველოს გენერალური კონსული, ვახტანგ ანდღულაძე, ქალაქ ბარიში არსებულ ქართულ-იტალიურ ასოციაცია „იმედი"-ს საკვირაო სკოლის აღსაზრდელებს ეწვია.

გენერალურმა კონსულმა სკოლის დამფუძნებლებსა და მოსწავლეებს სასკოლო პროცესის დაწყება მიულოცა. აღსანიშნავია, რომ ასოციაციასთან არსებულ საკვირაო სკოლაში გაერთიანებულია, სხვადასხვა ასაკის ორმოცდაათამდე ქართველი მოსწავლე. 

„იტალიაში მყოფ ყველა ქართველ მოზარდს და მოსწავლეს წარმატებულ სასწავლო წელს ვუსურვებ. ვაფასებ თითოეული თქვენგანის მონდომებასა და ძალისხმევას. მხოლოდ ამ გზით არის შესაძლებელი თვითმყოფადობის შენარჩუნება უცხო მიწაზე. საკვირაო სკოლების არსებობა მყარი გარანტია გახლავთ, სამშობლოს გავუზარდოთ ძლიერი, განათლებული და პატრიოტიზმის გრძნობით განმსჭვალული ახალი თაობა“ - განაცხადა ვახტანგ ანდღულაძემ. 

ღონისძიების ფარგლებში, პატარებმა საქართველოს ეროვნული ჰიმნი შეასრულეს და წაიკითხეს ლექსები. კონსულმა, ქართულ-იტალიურ ასოციაცია „იმედი“-ს დამფუძნებელს, ცინარი ღვალაძეს და პროფესიონალ პედაგოგებს მადლობა მოუხადა გაწეული ღვაწლისთვის. ასევე, განსაკუთრებული მადლობა მოუხადა მოსწავლეთა მშობლებს, რომლებიც ცდილობენ შვილები საკუთარ ფესვებს არ მოწყვიტონ.

საკვირაო სკოლაში მოქმედებს, რამდენი სექტორი, რომელიც საშუალებას აძლევს მოსწავლეებს შეისწავლონ ქართული ენა, ნაციონალური ცეკვა, სიმღერა, ხატვა და სხვა.

აგრეთვე დაგაინტერესებთ:

⭕ როგორ დავუკავშირდეთ, ქალაქ ბარიში არსებულ, საქართველოს გენერალურ საკონსულოს

⭕ ქალაქ ბარიში არსებულ საკვირაო სკოლა „იმედი“-ს აღსაზრდელებს სპეციალურად მათთვის შემუშავებული სახელმძღვანელოები გადაეცათ

⭕ იტალიაში, ქალაქ ბარიში, ქართული ბრენდი - „ლაღიძის წყალი“ ოფიციალურად გაიხსნა