„ემიგრაციაში მომრავლდნენ ისეთი დედები, ვისაც შეუძლიათ მიწასთან გაასწოროს სხვისი შვილი, რადგან ის მისი არაა და სხვისია!“ - ფიქრია კუჭუხიძე

იტალიის პროფკავშირების, საემიგრაციო საზოგადოება „ანოლფი“-ს (Anolf) ქართველი ოპერატორი, ფიქრია კუჭუხიძე, რომელიც იტალიის ქალაქ ბარში მოღვაწეობს საემიგრაციო საქმიანობას მაღალი პასუხისმგებლობით ეკიდება. „ანოლფის“ ქართველი ოპერატორი განსაკუთრებული აქტიურობითა და საქმისადმი კეთილსინდისიერი მიდგომით გამოირჩევა. 

ფიქრია კუჭუხიძემ სოციალურ ქსელ „ფეისბუკში“ ახლახან წერილი გამოაქვეყნა. მან ერთ-ერთი „ფეისბუკ“ მომხმარებლის, კრიტიკულ კომენტარს საჯაროდ უპასუხა. 

„ქალბატონო ლ. ჟ. ამ ბარბარობა დღეს რაღაც კარგი დაწერა ადამიანმა და მოასწარით დაგესეტყვეთ. ალბათ დედა ხართ, იქნებ თქვენს შვილსაც ასე შეეშალა!!!! რამე და პასუხი დაუგვიანა ვინმეს, გესიამოვნება გულდაწყვეტილი შვილის ნახვა? მაგრამ ემიგრაციაში მომრავლდნენ ისეთი დედები, ვისაც შეუძლიათ მიწასთან გაასწოროს სხვისი შვილი, რადგან ის მისი არაა და სხვისია!

აქ მკითხეთ, საჯაროდ ასე რომ დაწერეთ რა გჭირდებოდათ თუ რეკავდით და არ გიპასუხეთ და ვნახოთ რამდენად სასწრაფო იყო. შემდეგ მე არ ვუპასუხებ არცერთ ზარს უკვე, რადგან ვისაც მოსვლა უნდა მოვა! რადგან მე მხოლოდ ქართველებისთვის განკუთვნილ „სინდაკატოში“ არ ვმუშაობ და სხვა უთვალავი ვალდებულებები მაქვს.

დაფიქრდით! ერთმა, ათასს როგორ უპასუხოს და რატომ, როდესაც იმ ათას, ათი ათასზე უკვე ნაკითხი აქვს ის შეკითხვა რაზე სხვას ისევ აწუხებთ. ეს საემიგრაციო საზოგადოების სენია. ფიქრია კუჭუხიძეს ისე შეეწევა უფალი, როგორც იმსახურებს, მისი მოქმედების შესაფერისად და თქვენ გირჩევთ, გაიფიქრეთ ზოგჯერ რომ სხვისი შვილის უკან მისი დედა დგას, რომლისთვისაც თქვენთვის მოუწონარი და ასე უხეშად სიტყვამისაგდები ფიქრია ამომავალი მზეა. ასე რომ გილოცავთ ბარბარობას და მადლობა რომ ჩამახედეთ ჩემს დანაშაულში! - წერს ფიქრია კუჭუხიძე.

აგრეთვე დაგაინტერესებთ:

🔵 ფიქრია კუჩუხიძე: „ჩემი ხმაურის მიღმა, სამარისებური სიჩუმეა და ამ სიჩუმის ფასი მხოლოდ მე ვიცი“

🔵 „ახალ ჩამოსულო ემიგრანტებო, ჩვენც მზად უნდა ვიყოთ!“ - ფიქრია კუჭუხიძე

🔵 „საქართველოში გამგზავრებამდე, აუცილებლად მოაწესრიგეთ ყველა დოკუმენტი“ - რა რჩევას აძლევს ფიქრია კუჭუხიძე ემიგრანტებს

🔵 იტალიაში მყოფი ემიგრანტების საყურადღებოდ!