იტალიაში "ბადანტეებისა" და შინამოსამსახურეების ანაზღაურება მკვეთრად იზრდება

იტალიურმა პრესამ, ოფიციალურად გაავრცელა ინფორმაცია, 2023 წლის 18 იანვრიდან, მომვლელების, ძიძების და შინამოსამსახურეების ხელფასების მომატების თაობაზე. მიმდინარე ცვლილებით, საუბარია, არსებული ხელფასების 9.20 პროცენტით გაზრდაზე. კონკრეტული რიცხვი, სამუშაო ხელშეკრულების ტიპის მიხედვით გამოითვლება.

ეს ერთი შეხედვით სასიხარულო ინფორმაცია, შესაძლოა რიგი პრობლემების სათავე გახდეს. ამის შესახებ აქტიურად ალაპარაკდა ასოციაცია, რომელიც დამსაქმებელი ოჯახების უფლებებს იცავს. იგულისხმება, რომ აღნიშნული ცვლილება ამ ოჯახების ხარჯზე ხორციელდება. "ბადანტეებისა და კოლფების" გაზრდილი ხელფასების გადახდა ისევ და ისევ ოჯახებს მოუწევთ, სახელმწიფოს ჩართულობის გარეშე, რაც იტალიური ოჯახების ისედაც დამძიმებულ ეკონომიკურ მდგომარეობას, კიდევ უფრო დაამძიმებს და გამორიცხული არ არის, რომ მათ უარი თქვან ამ ტიპის მომსახურებაზე, თუ ამას გადაუდებელი საჭიროება არ წარმოადგენს, ან "შავად", კონტრაქტის გაფორმების გარეშე აიყვანონ ოჯახში პერსონალი, რაც თავისთავად კანონსაწინააღმდეგო ქმედებაა.

ვნახოთ, რამდენიმე ვარიანტი, თუ რამდენით გაიზრდება ოჯახებში დასაქმებული პირების ანაზღაურება :

• სამუშაო ხელშეკრულება - C super/30 საათი კვირაში, მომვლელი, persona non autosufficiente (არა თანამცხოვრები)

ხელფასი 926 ევროდან, 1 012 ევრომდე გაიზრდება. გადასახდელ თვიურ კონტრიბუტს 10 ევრო დაემატება და გახდება 117 ევრო. ეს ნიშნავს, რომ თუ ოჯახის მიერ გადასახდელი თანხა წელიწადში იყო 14 236, ამიერიდან ეს თანხა 1 308 ევროთი გაიზრდება და იქნება 15 544.

• სამუშაო ხელშეკრულება - C super/40 საათი კვირაში, მომვლელი, persona non autosufficiente (თანამცხოვრები)

ხელფასი 1 026 ევროდან, 1 120 ევრომდე გაიზრდება. გადასახდელ თვიურ კონტრიბუტს 16 ევრო დაემატება და გახდება 210 ევრო. ეს ნიშნავს, რომ თუ ოჯახის მიერ გადასახდელი თანხა წელიწადში იყო 17 117, ამიერიდან ეს თანხა 1 575 ევროთი გაიზრდება და იქნება 18 752.

• სამუშაო ხელშეკრულება - B super/40 საათი კვირაში, ძიძა (არა თანამცხოვრები და თუ ბავშვი 6 წელზე ნაკლებისაა)

ხელფასი 1 234 ევროდან, 1 348 ევრომდე გაიზრდება. გადასახდელ თვიურ კონტრიბუტს 12 ევრო დაემატება და გახდება 156 ევრო. ეს ნიშნავს, რომ თუ ოჯახის მიერ გადასახდელი თანხა წელიწადში იყო 18 958, ამიერიდან ეს თანხა 1 743 ევროთი გაიზრდება და იქნება 20 701.

ასევე დაგაინტერესებთ:

ემიგრანტი იტალიელები - რატომ ტოვებდნენ ისინი იტალიას?!

იტალიური ენის გამოცდა A2 - რა შემთხვევაში გჭირდებათ ენის სერტიფიკატი?

9 წლის ქართველ გოგონას იტალიაში საპატიო ელჩის სიმბოლური წოდება მიანიჭეს