კონკურსი იტალიაში მცხოვრები ახალგაზრდა თაობის წარმომადგენლებისათვის, რომელსაც ქალაქ ბარიში არსებული გენერალური საკონსულო აცხადებს

ქალაქ ბარიში არსებული გენერალური საკონსულოს ინიციატივით, იტალიაში მცხოვრები ახალგაზრდა თაობის წარმომადგენლებისათვის, შობის დღესასწაულთან დაკავშირებულ თემატიკაზე კონკურსი ცხადდება. 

კონკურსი „ვინ თქვა, შობას სასწაული არ ხდებაო“, საზღვარგარეთ, ქართულ დიასპორაში ახალგაზრდა თაობის წარმომადგენლებისათვის, სამშობლოსთან მათი კავშირის გაღრმავების ხელშეწყობისა და თანამემამულე მოზარდთა, საქართველოსთან კავშირის გაღრმავების მიზნით ტარდება.

კონკურსი დისტანციურ რეჟიმში ცხადდება! 

კონკურსის პირობები:  კონკურსში მონაწილეობის მიღება შეუძლია საზღვარგარეთ მოქმედი, ქართული საკვირაო სკოლების მოსწავლეებსა და უცხოეთში მცხოვრებ ნებისმიერ დაინტერესებულ პირს 5 წლიდან, 17 წლის ჩათვლით.

კონკურსი ჩატარდება ერთ ტურად. მონაწილეობის მსურველებმა, საქართველოში შობის დღესასწაულთან დაკავშირებულ თემაზე - „ვინ თქვა, შობას სასწაული არ ხდებაო“, შესრულებული ფერწერული ნამუშევრების ასლი უნდა გააგზავნონ ქალაქ ბარიში გენერალური საკონსულოს ელექტრონულ მისამართზე: bari.con@mfa.gov.ge 2021 წლის 1 ნოემბრიდან 2021 წლის 15 დეკემბრის ჩათვლით.

მონაწილეთა ნამუშევრები შეფასდება ქალაქ ბარიში გენერალური საკონსულოს „facebook” გვერდზე განთავსებული ნამუშევრების მოწონების *like რაოდენობის მიხედვით.

ნამუშევარზე უნდა იყოს მითითებული შემდეგი ინფორმაცია: სახელი, გვარი, ასაკი, ქალაქი, ქვეყანა, საკვირაო სკოლის მოსწავლის შემთხვევაში, სკოლის დასახელება და საკონტაქტო მონაცემები.

გამარჯვებული ფერწერული ნამუშევარი, საავტორო უფლებების დაცვით, ქ. ბარიში გენერალური საკონსულოს მიერ გამოყენებული იქნება 2022 წლის ოფიციალურ მისალოც ბარათებზე.

აგრეთვე დაგაინტერესებთ:

⭕ როგორ დავუკავშირდეთ, ქალაქ ბარიში არსებულ, საქართველოს გენერალურ საკონსულოს

⭕ გენერალური კონსული, იტალიის შრომის საყოველთაო კონფედერაციის მიერ ორგანიზებულ შეხვედრას დაესწრო

⭕ კაფე-ბარი „ლაღიძის წყლის“ გახსნას, ქალაქ ბარიში საქართველოს გენერალური კონსული, ვახტანგ ანდღულაძე დაესწრო