მე მიშას დროს ვარ წამოსული და ვიზაში 4500 ევრო მაქვს გადახდილი და მეცაო, მაგრამაო კმაყოფილი ვარ ჩემი ქვეყნის ჯიბეში რომ წავიდა ეს ფულიო

იტალიაში მცხოვრები, ჩვენი თანამემამულის, „დიასპორის სახლის“ წევრის, ირმა კაპანაძის პოსტს, რომელიც exclusivetv.ge-მ გასულ კვირას გამოაქვეყნა საზოგადოების მაღალი ინტერესი მოჰყვა. საზოგადოების მაღალი ინტერესიდან გამომდინარე, მკითხველს ირმა კაპანაძის მომდევნო წერილს ვთავაზობთ. 

„ეს ჩემი სტატუსი წაიღო, რაც კი გამოცემა არსებობს დღეს საქართველოში. დაათრევენ კედელ-კედელ და იქ ამბავია? ამ ფბ-სტატუსებზე ხომ სმაილებს ვერ სვამენ გაზეთში და სადაც მე სიცილები მაქვს დასმული, ის ხომ სერიოზულად აქვთ მიღებული და მიდის: შენი ჭკუის დასარიგებელი რა გვჭირს შე მათხოვარო, უწიგნურო, სატანა, ფულის გიჟო, მანდ მომჯდარო, ვინ იცის რას აკეთებ და იმიტომ გვლანძღავ, ენას ამოგაგლიჯავ, სადაც გნახავ იქ აგებ პასუხს, პირი გამოირეცხე ემიგრანტებს რომ ახსენებ, შენ ხომ რას ამბობ, სულ შვილებთან და შვილიშვილებთან იქნები, დაყრილი გყავს ქმარ-შვილი და წათრეული ხარ, არ ჩამოხვიდე, ჩამოეთრიე და აქ იცხოვრე და მეტი ვეღარ დავიმახსოვრე...

ძირითადი აგრესია: 555555555 აესე!
ნუ წაკითხულიდან შინაარსის გამოტანის პრობლემა ზოგადად დგას….”თხა და გიგო”-ს დონის ქალები, (ნუ კაცებიც) ამ ლათინური ასოებით, წერენ, იხოკავენ თავ-პირს და დგას ერთი ვაი-უშველებელი….

ერთი ასეთ „თხა და გიგო“-ს მივუწერე, მე მიშას დროს ვარ წამოსული და ვიზაში 4500 ევრო მაქვს გადახდილი და მეცაო, მაგრამაო კმაყოფილი ვარ ჩემი ქვეყნის ჯიბეში რომ წავიდა ეს ფულიო. აი არ ვიტყუები.

ნუ ახლა მე რომ შიშით ვკვდები ამათი მუქარებით და იქ რას ვწერ, ამას ალბათ მიხვდებით, მაგრამ ერთ რამეს ვერ ვიგებ: ვის დროსაც არ უნდა იყო წამოსული და ამ ეტაპზე სადაც არ უნდა იყო, რატო გესირცხვილებათ ის, რასაც აკეთებთ და ამას თუ ვინმე გეტყვით ხტებით ერთი ადგილიდან? რატო იბრძვით იმისთვის რომ „გმირები” გეწოდოთ?
(გმირები რომ ხართ, ატყუეთ საკუთარ სახლებში)
და პ.ს. არანაირი გმირობა არაა ე.წ. ემიგრანტობა! გმირობა ცოტა სხვა რამეა!
გმირი არის ის ქალი, გორიდან მიმავალ ტაქსიში რომ ვნახე, ორი ვედრით ჟოლო მიჰქონდა გასაყიდად, ქვრივი ვარო, სამი შვილი მყავს, მიჭირს, მაგრამ ვერ დავტოვებ და ვერსად ვერ წავალო.
და რატო იბრძვით პატივი გცეთ სახელმწიფომ და მაგალითად მე?
აქ წამოსული 100 ქალიდან, რამდენს გიფიქრიათ ჩემი სამშობლოსთვის მივდივარ, რომ ფული გადავრიცხო და ბიუჯეტი შევავსოო? და ვინც ამას დაწერს, იმ სიმართლით იაროს! აიფონები და მანქანები უცვალეთ ხშირად, არ დაგეჩაგრონ!

ახლა დრო არ მაქვს. ვისაც რამე კითხვა გაუჩნდება, პირადში მომწერეთ და მე მოგიყვებით ე.წ. ემიგრანტების საგმირო საქმეებს! დაიცხრეთ ფანტაზიები და აკეთეთ რასაც აკეთებთ!

გაზეთებო და სხვადასხვა ინტერნეტ თუ ისე ვიღაცებო!
წაიღეთ ახლა ეს პოსტი და აფრიალეთ!“

მსგავს თემაზე:

იმ ტანჯულ ემიგრანტებს ვეკითხები, მიშას დროს რომ არიან წასულები და ბიძინას დროს სახლში, გავლით ორჯერ ნამყოფები

იტალიაში ორ მცირეწლოვანთან ერთად ბედის ანაბარა მყოფი ქართველი ცოლ-ქმარი დახმარებას ითხოვს

"მინდა გაგიზიაროთ ჩემი ემიგრანტული სიხარული"