„სანატორიის“ პროცედურების გაგრძელება შესაძლებელია იმ შემთხვევაშიც, თუკი სამსახური თქვენი სურვილით დატოვეთ

იტალიის შინაგან საქმეთა სამინისტროს მიერ გავრცელებული ინფორმაციით, „სანატორია 2020“-ის მიმდინარე პროცედურებში დასაშვებია, ახალი დამსაქმებლის შემოსვლა, თუნდაც ეს უკანასკნელი არ იყოს „სანატორიის“ განმცხადებლის ოჯახის წევრი.

2021 წლის 11 მაისით დათარიღებული ცირკულარი - განმარტებები „სანატორიის“  მსვლელობისას წარმოქმნილ შემთხვევებზე, როდესაც შრომითი ურთიერთობა შეწყვეტილია პრეფექტურაში გამოძახებამდე

ემიგრაციისა და საერთაშორისო თავდაცვის უსაფრთხოების დეპარტამენტი, გთავაზობთ ოპერატიულ მითითებებს, არარეგულარული შრომითი ურთიერთობების წარმოქმნის პროცედურებთან დაკავშირებით, როგორც ეს განისაზღვრება 2020 წლის 19 მაისის N 34 განკარგულებაში, რომელიც კონვერტირდა 2020 წლის 17 ივლისის N. 77 კანონთან შეფარდებაში.

2021 წლის 17 პრილის N. 3020 ცირკულარის შინაარსის ინტეგრირებისას, გადაწყდა, რომ დასაშვებია ახალი დამსაქმებლის შემოსვლა „სანატორიის“ პროცედურებში, თუნდაც ეს უკანასკნელი არ იყოს „სანატორიის“ განმცხადებლის ოჯახის წევრი.

ეს გადაწყვეტილება ვრცელდება „სანატორიის“  განმცხადებელთა ყველა კატეგორიაზე, როგორიც არის „აგრიკულტურა“ (სოფლის მეურნეობის სექტორი), ასევე, შინა მოსამსახურეებისა და მომვლელების პოზიციებზე. განკარგულებაში, ასევე მითითებულია, რომ „სანატორიის“ პროცედურების გაგრძელება შესაძლებელია შრომითი ურთიერთობის შეწყვეტის იმ შემთხვევებში, როდესაც დასაქმებული პირი, საკუთარი გადაწყვეტილებით ტოვებს სამსახურს გარკვეული მიზეზების გამო.

მეორეს მხრივ, პანდემიის საგანგებო სიტუაციებიდან გამომდინარე შექმნილი მიზეზების ნიადაგზე, „სანატორიის“ განმცხადებლის (პირველი დამსაქმებელი) მიერ, დაქირავებულ მუშაკთან ურთიერთთანამშრომლობის შეწყვეტისას, როდესაც არ არის ხელმისაწვდომი ახალი დამსაქმებლის ჩართვა/ჩანაცვლება, „სანატორიის“ პროცედურების მიმდინარეობაში, ბინადრობის ნებართვა გაიცემა დასაქმების მოლოდინის მოტივით.

ამასთან, ზემოთ აღწერილ შემთხვევებში, იმის დასადასტურებლად, რომ „სანატორიის“ განაცხადი არ არის ფიქციური, პრეფექტურაში მოწვევა უნდა მოხდეს როგორც დამსაქმებლის, რომელმაც წარადგინა განცხადება „სანატორიის“ შესახებ, ასევე, განაცხადში აღნიშნული მუშაკის, რათა დასრულდეს შრომითი ხელშეკრულების შეწყვეტის პროცედურა და უმუშევრად დარჩენილი პირი გადავიდეს დროებითი ბინადრობის ნებართვის მოლოდინის რეჟიმში.

სტატია, სპეციალურად Exclusivetv.ge-სთვის მოამზადა ასოციაცია Tutto Insieme Georgia-ს პრეზიდენტმა, ქალაქ პიზაში მოღვაწე იურისტმა, ხათუნა ტატუნაშვილმა.

👉 იურიდიული კონსულტაცია ემიგრანტებისთვის - Associazione Tutto Insieme Georgia