ტელეკომპანია “კავკასიის” ოპერატორმა აქციაზე გონება დაკარგა

ტელეკომპანია “კავკასიის” ოპერატორმა, ნიკო კოკაიამ აქციაზე გონება დაკარგა.

ინფორმაციას “ნეტგაზეთი” ავრცელებს.

როგორც ოპერატორი აღნიშნავს, ცუდად მას შემდეგ გახდა, რაც სავარაუდოდ წიწაკის სპრეი შეასხეს თვალებში. ამჟამად, ის თავს უკეთ გრძნობს და კონტაქტურია.

„ჩამოყვანა უნდოდათ ჯიხურიდან ერთ-ერთი აქტივისტის. ჩვენ ქვემოთ ვიდექით, მითხრეს გაიწიეო – გავიწიე. კიდევ გაიწიეო, კიდევ გავიწიე, მაგრამ ამასობაში ვიღაც სპეცრაზმელმა ამოიღო წიწაკის სპრეი და თვალებში შემასხა. ერთხელ ხომ შემასხა, თავი ავწიე რას აკეთებ მეთქი და მეორედ შემასხა, მერე მესამედ. არანაირი გაფრთხილება არ ყოფილა“, – ამბობს ერთ-ერთი დაშავებული ნეტგაზეთთან საუბარში.

სასამართლოსთან აქციაზე გიგი უგულავა დააკავეს. 

სამართალდამცველებსა და აქციის მონაწილეებს შორის დაპირისპირება მას შემდეგ დაიწყო, რაც პოლიციელებმა ძალის გამოყენებით სცადეს ოპოზიციონერი აქტივისტის, ბესიკ თამლიანის ჩამოყვანა ჯიხურის სახურავიდან.

არ ვაღიარებ პროკურატურას და ქართულ მართლმსაჯულებას, აქ არ ვარ იმისთვის, რომ წინასწარ დაწერილი კომედიის ნაწილი ვიყო, – ამის შესახებ საქართველოს ყოფილმა პრეზიდენტმა, მიხეილ სააკაშვილმა 7 ნოემბრის საქმეზე სასამართლო პროცესის დაწყებამდე განაცხადა, რომლის საქმეს დღეს კოლეგია განიხილავს სამი მოსამართლის შემადგენლობით.

ამავე თემაზე:

🔵 ე.წ. წიწაკის სპრეის გაშვების შემდეგ აქციის რამდენიმე მონაწილე ცუდად გახდა (ვიდეო)

🔵 მიხეილ სააკაშვილი - არ ვაღიარებ პროკურატურას და ქართულ მართლმსაჯულებას, აქ არ ვარ იმისთვის, რომ წინასწარ დაწერილი კომედიის ნაწილი ვიყო