„23 წლის სრულიად ჯანმრთელი ვაჟკაცი კოვიდმა იმსხვერპლა“ - ღუდუშაურის კლინიკის თანამშრომელს დავით პაპასკირს მეგობრები ემშვიდობებიან

„საუკეთესო მეგობარი აღარ მყავს... უსამართლობას საზღვრები არ აქვს... ჩვენი შაბათის შეკრებები?! უაზრო ისტორიები, სამაგიდო თამაშები, ,,ფურტის" მეწყვილე“, - წერს 23 წლის გარდაცვლილის მეგობარი მაია ბერაძე. 

ღუდუშაურის კლინიკის თანამშრომელი, 23 წლის დავით პაპასკირი კორონავირუსს ემსხვერპლა.

ახალგაზრდა ბიჭს ოჯახის წევრები და მეგობრები სოციალურ ქსელში ემშვიდობებიან და სამძიმრის წერილებს აქვეყნებენ.

„უსამართლობაა და არასწორია, რომ დაგვტოვე და მერე ვაცნობ შენ თავს ყველას. ჩემი ბიძაშვილის შვილი, დათო პაპასკირი - ჩვენი დიდი ტკივილი. 23 წლის სრულიად ჯანმრთელი ვაჟკაცი - კოვიდმა იმსხვრეპლა...რა ჰქვია ამას“, - წერს დიანა პაპასკირი.

„ვერ ვიჯერებ ახლაც. ბოლო წუთამდე იმედი მქონდა... რატო? ღმერთო, რატო წაგვართვი, რატო წაიყვანე, რატო?სული გამეყინა. ეს რა დიდი ტკივილი ხარ.. ხომ დაგვპირდი რომ იბრძოლებდი დათო, რატო წახვედი. ელიმ და მე მოვილაპარაკეთ სანამ შენ არ დაგულებდი ელენიკოს „სთორებს“ არაფერსაც აღარ დავდებდით... ახლა რა ვუთხრა ელის ? ყოველ დღე რომ გამოხატავდი მის მიმართ სითბოს და სიყვარულს, გიოს რომ უყურებ გული მიკვდება აქეთ გვამხხნევებს ჩვენ ყველას და მე ხომ ვიცი მის გულში ახლა რა ხდება. შენ ყველგან და ყოველთვის მაინც ჩვენ გვერდით იქნები, სადაც არ უნდა იყო. მშვიდობით, შეხვედრამდე“, - წერს თიკა გათენაშვილი.

„რატომ? რატომ დაგვტოვე? ეს რატომ გაგვიკეთე. ვინ მოვა აწი ჩემთან სახლში ვინ გამაცინებს, ვინ იჩხუბებს, ვინ მოჰყვება უაზრო ისტორიებს, ვინ დაჯდება შენს ადგილას? იმდენი გეგმები გვქონდა 5 მუშკეტერებს, ახლა სად წავიდეთ მარტო ? როგორ დავიჯერო რომ აღარ ხარ? საუკეთესო ძმა, მეგობარი იყავი. შენ ჩვენი გული თან წაიღე... ალბათ მალე ერთმანეთს შევხვდებით, მიყვარხარ“, - ემშვიდობებიან გარდაცვლილს ახლობლები.

დღის სხვა ამბები:

🔵 WHO: ფაქტები და მითები „ომიკრონის“ შესახებ

🔵 49 გარდაცვლილი და 8 767 ახალი შემთხვევა - კოვიდსტატისტიკის მორიგი ანტირეკორდი

🔵 "ომიკრონის გავრცელების პიკი, თებერვლის პირველ ნახევარში იქნება" - ბიძინა კულუმბეგოვი