ბარბარობის წინა დღეს ,,ქველმოქმედს” მიადგა მრავალშვილიანი ოჯახის მამა, იქნებ რამით დაგვეხმარო, პატარები მშივრები მყავსო… - პეტრე კოლხი

ბარბარობის დღესასწაულთან დაკავშირებით, მამა პეტრე ერთ ისტორიას იხსენებს, რომელიც ერთ მორწმუნე ოჯახს შეეხება. ისტორიის მიხედვით, შეჭირვებული ოჯახის მძიმე მდგომარეობის და შეძლებული მეზობლის ურთიერთობას აღწერს.

"მთელი ცხოვრება სიკეთის კეთებით ტრაბახობდა… ყველაფერს ცდილობდა მონასტრის წევრებს მისთვისაც ღმერთივით ეცათ თაყვანი… რამდენჯერ ნივთებიც გაუტანია სახლიდან, რომ იქ მიეტანა და ამის გამო ვინმეს შეექო…
არც არავინ ეუბნებოდა, ესეც ვნება იყო, რასაც კეთილ საქმესთან არავითარი კავშირი არ ჰქონდა…
ბარბარობისთვის სამი დღით ადრე შეუკვეთა საცხოვს ლობიანი…
მეზობლად ხელმოკლე ოჯახი ცხოვრობდა… ისე უჭირდათ, პურს მონაცვლეობით მეზობლები ყიდულობდნენ…
ბარბარობის წინა დღეს ,,ქველმოქმედს” მიადგა მრავალშვილიანი ოჯახის მამა, იქნებ რამით დაგვეხმარო, პატარები მშივრები მყავსო…
ისტერიკებით გაისტუმრა, სად მაქვს ამდენი, მე თავი დამანებე, სხვას მიადექიო…
შეიძლება იმ წამს მართლა ვერ დახმარებიდა თანხით, რადგან ავტომობილი ისე გაავსო პროდუქტით, თავად ძლივს ეტეოდა, რომ ბარბარობას მონასტერში სუფრა გაეშალა…
იცოდა, რომ წირვის ბოლოს ან მონასტრის წინამძღვარი შეაქებდა, ან დანარჩენი წევრები ცამდე აიყვანდნენ…
ბარბარობის დღეს მისი მეზობლის ბავშვი შიმშილისგან გულწასული სასწრაფოს ექიმებმა ძლივს მოაბრუნეს…
ჰო, ისევ პატარების მფარველმა ბარბარემ უშველა… აბა, მეზობელი როგორ დაეხმარებოდა, მონასტერში სამეფო სუფრა უნდა გაეშალა!..",-წერს, პეტრე კოლხი.

ასევე დაგაინტერესებთ:

🔵ბარბარობა-არის თუ არა 17 დეკემბერი ბედობაც?

🔵მკვლელობა გუდაურში - ნაფიცი მსაჯულები განაჩენზე 24 საათზე მეტია მსჯელობენ

🔵აზარტული თამაშების რეკლამა მარტიდან აიკრძალება - ირაკლი ზარქუა