ბექა ვაჭარაძემ ნიკა გვარამიასა და "მთავარ არხის" წინააღმდეგ სასამართლოში სარჩელი შეიტანა

"ქართული ოცნების" ფოთის მერობის კანდიდატი ბექა ვაჭარაძე ნიკა გვარამიას და "მთავარ არხს" სასამართლოში უჩივის.

ამის შესახებ ბექა ვაჭარაძემ დღეს ბრიფინგზე განაცხადა.

ვაჭარაძის განცხადებით საქმე ეხება დეზინფორმაციის გავრცელებისთვის, რომელიც „მთავარი არხის“ ეთერში გავიდა.

ბექა ვაჭარაძე, მორალური ზიანის ანაზღაურებისთვის 55 555 ლარის ოდენობით ფულად კომპენსაციას ითხოვს.

"შევიტანეთ სარჩელი ნიკა გვარამიასა და "მთავარი არხის" წინააღმდეგ, იმ დეზინფორმაციის შესახებ, რომელიც ემსახურებოდა ჩემი ღირსებისა და პატივის შელახვას. საქმე ეხება გაჟღერებულ ცრუ ინფორმაციას ჩემი აგენტობის შესახებ. ვითხოვთ, იმავე გადაცემაში მოხდეს ამ ინფორმაციის უარყოფა და ასევე, მორალური ზიანისთვის ვითხოვთ 55 555 ლარის ანაზღაურებას, რომელიც გადაეცემა საქველმოქმედო ფონდს", - განაცხადა ვაჭარაძემ.

მმართველი გუნდის წევრი, ოპოზიციიდან კონკურენტის გიგი უგულავას ქცევებს გამოეხმაურა და განაცხადა, რომ მას ამომრჩეველი 30 ოქტომბერს პასუხს გასცემს.

"ისიც დიდი უტიფრობაა, თითქოს ახლა აღმოაჩინა გიგი უგულავამ ფოთი. კარგად გვახსოვს მისი გუბერნატორობის პერიოდი და ფოთელებს რითაც დაამახსოვრა თავი, ეს პერიოდი იყო მასშტაბური დაჭერები. მაგალითად, ხუთი ექიმი დაიჭირეს, რომლებიც საავადმყოფოს პრივატიზებას ეწინააღმდეგებოდნენ და ბევრი სხვა მძიმე ფაქტი ზის მის კისერზე, რომლებზეც საუბარი არ გვიღირს. ფოთელებს აინტერესებთ პრობლემების გადაჭრისა და ქალაქის განვითარების გზები. აუცილებლად, 30 ოქტომბერს, სადაც გაუშვებენ ფოთელები გიგი უგულავას, იქ გავატანთ იმ ტალახს, რომელიც მან ამ ქალაქში ჩამოიტანა", – განაცხადა ბექა ვაჭარაძემ.

ასევე დაგაინტერესებთ:

🔵 „ჩემო ძვირფასო ქალებო და გოგონებო! უბრალოდ მინდა ბოდიში მოგიხადოთ...“- ალექსანდრა პაიჭაძე მიმართვას ავრცელებს

🔵  "სააკაშვილის დაპატიმრებას საქართველოში არაადეკვატური რეაგირება მოჰყვა ერთი მხრივ, მედიასაშუალებებში, მეორე მხრივ, უფლებადამცველების მხრიდან" - ნანა კაკაბაძე

🔵   „იმედია ჩაძაღლდები. ხომ გრჩება ოხრად ყველაფერი, ხომ კვდები და ძაღლდები..." - ვინ გააბრაზა გია სურამელაშვილი