"ჩემი აზრით, ეს იყო აცრიდან და სასმლიდან პროვოცირებული თრომბი" - ნიკა ქაცარიძის მეუღლე

5 იანვარს რუსთაველის თეატრის მსახიობი 43 წლის ნიკა ქაცარიძე გარდაიცვალა, წინასწარი ინფორმაციით მიზეზი გულის შეტევა გახდა. მას მეუღლე და ორი მცირეწლოვანი შვილი დარჩა.

ნიკა ქაცარიძის მეუღლე ნინო ბერიძე გადაცემა "ნანუკას შოუს" სტუმრობდა, სადაც მან მეუღლის გარდაცვალების ტრაგიკული დღე გაიხსენა.

"დალევით, როგორც ყველა ქართველი მამაკაცი, დღესასწაულებზე ან დაბადების დღეებზე სვამდა. ნიკა მსმელი არ იყო, საახალწლო დღესასწაულზე ვინ არ სვამს?

ჩემი აზრით, ეს იყო აცრიდან და სასმლიდან პროვოცირებული თრომბი. დავაზუსტებ რას ვგულისხმობ, არ მინდა ისე გამოვიდეს, თითქოს აცრის წინააღმდეგი ვარ. ამ შემთხვევაში არ არის მედიცინის მუშაკებისგან მკაცრი გაფრთხილება, რომ არ შეიძლება დალევა ერთი ან ორი თვე. მოუწია სასმლის დალევა, თუმცა ეს დიდი რაოდენობით არ იყო. ჩვეულებრივ დაიძინა და ადრე დაწვა, რადგან მეორე დღეს რეპეტიცია ჰქონდა.

ბავშვები მასთან დაწვნენ. პატარა ბიჭი ჩაუწვა საწოლში, აღარ შორდებოდა და ასე ჩაეძინა.ღამე გამომეღვიძა, 3 საათზე და ლაზარე ცხელი მომეჩვენა და რომ ავიყვანე სიცხე გავუზომე, ამ დროს ნიკამ გაიღვიძა, მკითხა რა ხდებაო?ვუთხარი, რომ ლაზარეს დაბალი სიცხე ჰქონდა. წყალი დამალევინეო, დალია წყალი და ამის შემდეგ ჩვეულებრივად დაიძინა.

ძილში მომემა არანორმალური სუნთქვა მისი, გამეღვიძა და ვეძახი ნიკა ... გადმოვატრიალე და დაასრულა სუნთქვა. ვერც დავიჯერებდი მაშინ, რომ ეს იყო მისი ბოლო ამოსუნთქვა.

ამ დროს ორივე ბავშვმა გაიღვიძა, ამის შემდეგ დედაჩემი გავაღვიძე. სასწრაფოშიც დავრეკე, მოვიდნენ ძალიან სწრაფად, მაგრამ უკვე გარდაცვლილი იყო.

ფაქტობრივად, ბავშვებს მამა თვაწლწინ მოუკვდათ.

მარიტა 5 წლის არის, ლაზარე კი 2 წლის", - გაიხსენა ნინო ბერიძემ.

სხვა სიახლეები:

🔳 "იქნებ, იქაც თეატრი გვიცდის" - რობერტ სტურუა ნიკა ქაცარიძის გარდაცვალებაზე ემოციურ პოსტს აქვეყნებს

🔳 "უდიდეს მწუხარებას და ტკივილს განიცდის ჩვენი თეატრი დღეს" - რუსთაველის თეატრი განცხადებას ავრცელებს

🔳  გარდაიცვალა მსახიობი ნიკა ქაცარიძე