"ჩვენს მიმართაც 2008 წელს აბსოლუტურად იგივე მიზეზი და განზრახვა ჰქონდა. ახლა მაინც არ გრცხვენიათ მაგ თქვენს "ბაბაია დაუძახე" ტვინებში? " - დეკანოზი თამაზ ლომიძე რუსეთ-უკრაინის კრიზისზე

"ჩვენს მიმართაც 2008 წელს აბსოლუტურად იგივე მიზეზი და განზრახვა ჰქონდა", - ამის შესახებ დეკანოზმა, მიუნხენის წმ. ვახტანგ გორგასლის სახელობის ქართული მართლმადიდებელი ეკლესიის წინამძღვარმა, თამაზ ლომიძემ „ფეისბუკზე“ დაწერა, რითაც ეხმაურება რუსეთ-უკრაინის კრიზისს.

"ამ ერთხელ შემინდეთ, საერო საქმეში უნდა ჩავერიო, რადგან ჩვენს ტკივილს, ჩვენს სამშობლოს და ჩვენს ხალხს ეხება.

დღეს, ის სამხედრო თავდასხმა, რასაც რუსეთი უკრაინის წინააღმდეგ კვლავ გეგმავს (თუმცა უკვე დაწყებულიც აქვს უკრაინის ოკუპაცია და მიტაცებულიც აქვს უკრაინის ტერიტორიები) ზუსტად იგივეა, რაც ჩვენთან ჩაიდინა 2008 წლის აგვისტოში.

მაგრამ ახლა რუსეთი უკვე აშკარად და საქვეყნოდ ამბობს, რომ ამას გააკეთებს ანუ შეიჭრება მეზობელ სუვერენულ ქვეყანაში და ამას იმიტომ გააკეთებს, რომ არ უნდა NATO-ს აღმოსავლეთით გაფართოება.

ახლა აღარ მალავს თავდასხმის ნამდვილ მიზეზს და უტიფრად ამბობს, რომ ის წყვეტს მეზობელი, თავისუფალი ხალხების არჩევანს და მომავალს.

ჩვენს მიმართაც 2008 წელს აბსოლუტურად იგივე მიზეზი და განზრახვა ჰქონდა.

განსხვავება მხოლოდ ისაა, რომ მხოლოდ ჩვენში აღმოჩნდნენ ისეთი მოღალატე, უთავმოყვარეო ბრიყვები და უკიდეგანო სულელები, რომ მტრის ამ აშკარა მიზეზის მიუხედავად, მაინც საკუთარ ქვეყანას დააბრალეს მტერთან ომის დაწყება და მაინც საქართველოს ხელისუფლება დაადანაშაულეს რუსეთზე თავდასხმაში.

ნუთუ, ახლა მაინც არ გრცხვენიათ და მაინც ვერაფრით განათდა მაგ თქვენს "ბაბაია დაუძახე" ტვინებში?", - წერს ლომიძე.

სხვა სიახლეები:

🔳 უკრაინაში აშშ-ის სამხედრო დახმარების პირველი ნაწილი ჩავიდა

🔳 ნათია ფანჯიკიძე: რა უსაქმური უნდა იყო კაცი 21-ე საუკუნის 20-იან წლებში კიდევ ომი რომ დაიწყო და მკვლელობებით იქცევდე თავს

🔳 გია ხუხაშვილი: ისედაც ბევრი პრობლემები მაქვს და შენ აღარ გამებლანდო ფეხებშიო - რუსეთის "პროფილაქტიკურ" გზავნილებზე გამახსენდა