"დღეს გვიან საღამომდე ვმუშაობდი და ბოლოს ერთი პაციენტი მოვიდა, დიდი მეჩეთის იმამია, მომიტანა დიდი რაოდენობის ცხვრის, საქონლოს და ქათმის ხორცი... მითხრა საშობაო საჩუქარიაო" - რას წერს იაგო ფრანგიშვილი
გერმანიაში მოღვაწე ქართველი ექიმი იაგო ფრანგიშვილი სოციალურ ქსელ ფეისბუკში საშობაოდ გადახდენილ ისტორიაზე წერს:
"დღეს გვიან საღამომდე ვმუშაობდი და ბოლოს ერთი პაციენტი მოვიდა, დიდი მეჩეთის იმამია, დიდი ოჯახი აქვს და საოჯახო ბიზნესია ეკოლოგიური ფერმერობა, ჰალალ პროდუქტების წარმოება.
აქვთ ქალაქგარეთ 10ჰექტარამდე ტყე და საძოვარი იჯარით აღებული და გაშვებულია თავისუფლად ყველა ჯურის და მისი რელიგიით მიღებული ცხოველი თუ ფრინველი.
მოვიდა და მომიტანა უსაზღვროდ დიდი რაოდენობით ცხვრის, საქონლის და ქათმის ხორცი - ეს ყველაფერი ჰალალია და საშობაო საჩუქარიაო.
წარმოშობით ერაყელია და მართლმადიდებლების წესებს კარგად ვიცნობ, საშობაო საკლავი აუცილებელიაო.
იმდენი მოიტანა, რომ ყველამ გადავინაწილეთ.
მერე ჩაი დავლიეთ ერთად და გავისაუბრეთ.
უკვე ასე 20 წელია, ერაყის აღების შემდეგაა გერმანიაში - რომ არ წამოვსულიყავი ისლამისტად და ტერორისტად შემრაცხავდნენო.
აქ კარგად ვარო, ბუნებაში და ბუნებასთან ერთად ვცხოვრობ, აქ საუცხოო ბუნებააო.
გერმანელებმა იციან ბუნების ფასიო.
ჰოდა ვეკითხები
ბედნიერი თუ ხარ მეთქი.
გამომხედა დაწვრილებული თვალებით და მიმიხვდა, რომ ეს კითხვა მარტო მას კიარა, ჩვენ ორივეს გვეხებოდა, სამშობლოდან წამოსულებს.
ჰოდა ასე მიპასუხა.
თუკი გგონია რომ სადმე მეტად ან ნაკლებად ბედნიერი იქნები, ძალიან ცდებიო.
უზენაესმაო გასაჭირი არათანაბრად გადაგვინაწილა, სიმდიდრეც არათანაბრად გადაგვინაწილა და უბედურებაც არაა სამართლიანად გადანაწილებულიო.
ერთადერთი, რაც შედარებით თანაბრად და ძალიან სამართლიანადაცა ყველაზე გადანაწილებული, ეს ბედნიერების გრძნობააო.
უფლის ყველაზე დიდი სამართალი დედამიწაზე ისაა, რომ ყველა ერთნაერადაა ბედნიერი, მდიდარი და ღარიბი, ჯანმრთელი და ავადმყოფიც, თავისუფალიც და ტყვეობაში მყოფი - ყველას აქვს მისი ბედნიერი მომენტები და რაც უფრო დაჩაგრულია სხვა მხრივ ადამიანი, მით უფრო ინტენსიურია მისთვის ბედნიერების ის მომენტებიო.
ვისაც ყველაფერი ზუსტად ისე აქვს აწყობილი, როგორც სურს, მისთვის ძნელია ბედნიერების ინტენსიური განცდაო.
ბევრი ვიფიქრე, თუ რა გისურვოთ ამ სიტყვების მერე ამ საშობაოდ.
ინტენსიური ბედნიერების გრძნობა თუ ყველაფრის ზუსტად ისე აწყობა, როგორც გსურთ და მოვიფიქრე:
გისურვებთ, რომ მთელი ცხოვრება თქვენი საუკეთესო სურვილების განხორციელების შანსი და საშუალება გქონდეთ, ამ სურვილების სიმწირეს არ გრძნობდეთ, ყოველთვის თქვენი მომავლის ჭედვაში ყოფილიყავით და ამით ბედნიერი", - წერს ფრანგიშვილი
7 იანვარს მართლმადიდებელი სამყარო მაცხოვრის შობას ზეიმობს.
სხვა სიახლეები:
მთავარი სიახლეები
1791656831
საზოგადოებაგიორგი პატარიძის განცხადებით, ახალი კანონმდებლობით ადგილობრივ საბჭოს აქვს საშუალება უცხოელი მსჯავრდებულის ვადამდე გათავისუფლების საკითხი განიხილოს
სპეციალური პენიტენციური სამსახურის ხელმძღვანელმა გიორგი პატარიძემ გადაცემაში „ღია ეთერი“ განაცხადა, რომ ახალი კანონმდებლობით ადგილობრივ საბჭოს აქვს საშუალება უცხოელი მსჯავრდებულის ვადამდე გათავისუფლებ...
1791654989
ახალი ამბებითბილისში, „დელტას“ ქარხანაში ხანძარია
თბილისში „დელტას“ ქარხანაში ხანძარია. როგორც საგანგებო სიტუაციების მართვის სამსახურში აცხადებენ, ადგილზე სახანძრო სამაშველო ჯგუფშია მობილიზებული. მიმდინარეობს სალოკალიზაციო სამუშაოები.
1791654431
საზოგადოებარატომ გახდა საჭირო მსჯავრდებული გიორგი დავითაძის დეესკალაციის ოთახში გადაყვანა - სპეციალური პენიტენციური სამსახურის ხელმძღვანელის განმარტება
სპეციალური პენიტენციური სამსახურის ხელმძღვანელმა, გიორგი პატარიძემ გადაცემაში „ღია ეთერი“ განმარტა, რატომ გახდა მსჯავრდებული გიორგი დავითაძის დეესკალაციის ოთახში გადაყვანა საჭირო. როგორც პატარიძემ აღნ...
1791653970
საზოგადოებაპაატა სალია: სახალხო დამცველმა მსჯავრდებულ გიორგი დავითაძის ვიდეოკადრებთან დაკავშირებით გაავრცელა განცხადება და სახალხო დამცველის აპარატმა მიიჩნია, რომ იქ არანაირ ძალადობას ადგილი არ ჰქონია
„სახალხო დამცველმა მსჯავრდებულ გიორგი დავითაძის ვიდეოკადრებთან დაკავშირებით გაავრცელა განცხადება და სახალხო დამცველის აპარატმა მიიჩნია, რომ იქ არანაირ ძალადობას ადგილი არ ჰქონია“, - განაცხადა იუსტიციი...
1791653374
მსოფლიოდონალდ ტრამპი: ვფიქრობ, უკრაინისთვის ახალი პრეზიდენტის არჩევის დროა
აშშ-ის პრეზიდენტმა, დონალდ ტრამპმა ვოლოდიმირ ზელენსკისთან ურთიერთობების გამწვავების ფონზე განაცხადა, რომ უკრაინაში ხელისუფლების ცვლილების დროა. ტრამპის თქმით, „ვფიქრობ, უკრაინისთვის ახალი პრეზიდენტის...
