გადარჩენილები - 15 ადამიანი დღეს ზვავში მოჰყვა

გადარჩენილები - ასე ასათაურებს ფოტოს და სოციალურ ქსელში აქვეყნებს თამარ ღლონტი, რომელიც დღეს საირმე - ბაღდათის დამაკავშირებელ გზაზე იმ დროს გადაადგილდებოდა, როცა ამ მონაკვეთზე მოულოდნელად ზვავი ჩამოწვა.

საირმე - ბაღდათის დამაკავშირებელ გზაზე ზვავი 22 დეკემბერს ჩამოწვა. რასაც სასწაულებრივად გადაურჩა 15 ადამიანი. შემთხვევის დროს გზის აღნიშნულ მონაკვეთზე რამდენიმე ავტომანქანა გადაადგილდებოდა. ყველა მგზავრმა ავტომობილიდან გადმოსვლა დროულად შეძლო. 

„ჩვენ ვართ ეს თხუთმეტი კაცი. ვერ მივიღეთ შველა, მაგრამ მშვიდობით დავბრუნდით საკუთარი ფეხით სასტუმროში, ორი ზვავი გადმოვიარეთ. მადლობა ღმერთს ფეხებმა არ გვიმტყუნა“, - წერს ფეისბუკის საკუთარ გვერდზე არასამთავრობო ორგანიზაცია გურიის ახალგაზრდული რესურსცენტრის ხელმძღვანელი თამარ ღლონტი.

მას შემდეგ, როცა მიხვდნენ, რომ ავტომობილით გზის გაგრძელება შეუძლებელი იყო კილომეტრები გაიარეს ფეხით, სიბნელეში, ყინვასა და ქარბუქში. ახლა, კილომეტრების გავლის შემდეგ, როგორც იქნა სამშვიდობოს არიან.

როგორც „ექსკლუზივიტივის“ ინოვაციებისა და ცვლილებების ინსტიტუტის პროექტების მენეჯერმა ოთარ რევიშვილმა უთხრა, მომენტალურად ყველა გასასვლელი ჩაიხერგა, მასთან ერთად ზვავის პირისპირ 15 ადამიანი აღმოჩნდა. მათ შორის იყო ორსული ქალი.

„სხვადასხვა ავტომობილით 15-ზე მეტი მგზავრი გადავაადგილდებოდით, მოულოდნელად ყველა გასასვლელი გადაგვეკეტა. დაახლოებით 13:00 საათიდან დავიწყეთ რეკვა 112 -ზე. ჩემი ინფორმაციით, რამდენიმე ადამიანმა დარეკა და შველას ითხოვდა. თითოეულს დაახლოებით 4 ჯერ დაურეკეს საგანგებო სიტუაციების მართვის სამსახურიდან ადგილმდებარეობის დასაზუსტებლად, მაგრამ როგორც ვიცით ჯერ არ მისულან შემთხვევის ადგილას სადაც ზვავია ჩამოწოლილი, დაახლოებით 45 წუთის წინ დარეკეს (22 საათი), რომ წამოვიდნენ მაშველები“, - გვიყვება ოთარ რევიშვილი.

ოთარი ჩვენთან საუბარში აღნიშნავს, რომ ყველა მგზავრი რთული დღის შემდეგ თავს კარგად გრძნობს.

„ჩვენ ახლა ვართ სასტუმრო best western sairmeshi და მინდა განსაკუთრებული მადლობა გადავუხადო ადმინისტრაციას“, - გვითხრა ინოვაციებისა და ცვლილებების ინსტიტუტის პროექტების მენეჯერმა.

ფოტო: თამარ ღლონტი

ასაასევე საინტერესოა:

🔵 ხარაგაულში, საამქროს ჩამონგრევის შედეგად დაშავებულ 10 ადამიანს, სხვადასხვა კლინიკაში მკურნალობენ

🔵 თოვლისა და ლიპყინულის გამო საავტომობილო გზებზე შეზღუდვები დაწესდა