"გიორგი კოხრეიძის მართვის სტილი მიმართულია მაუწყებლის თანამშრომელთა შორის დაპირისპირების, კონფლიქტისა და მტრობის გაღვივებისკენ" - ალტერნატიული პროფკავშირები
საზოგადოებრივი მაუწყებლის აჭარის ტელევიზიისა და რადიოს დირექტორმა - გიორგი კოხრეიძემ, გუშინ 28 აპრილს, სამსახურიდან შემოქმედებითი სამსახურის გადაცემა „უცხო სუნელი“-ს ავტორი და წამყვანი, ალექსანდრე თხილაიშვილი გაათავისუფლა.
კოხრეიძის გადაწყვეტილებას მაუწყებლის ალტერნატიული პროფესიული კავშირი დევნად აფასებს.
როგორც პროფკავშირების განცხადებაშია ნათქვამი, გათავისუფლების ოფიციალური მიზეზები და თანმდევი პროცესები, ფასდება „ალტერნატიული პროფესიული გაერთიანების წევრთა“ პიროვნული დევნის გაგრძელებად და „იურიდიული საბაბების“ ძიებად ამის განხორცილებისთვის.
"სამართალიც და სამართლებრივი რეაგირებაც, დღეს, „აჭარის ტელევიზიასა და რადიოში“ - შერჩევითია.
გადაცემა „უცხო სუნელი“ მრავალი წლის განმავლობაში წარმოადგენდა აჭარის ტელევიზიის ერთ-ერთ გამორჩეულ და რეიტინგულ გადაცემას, რომლის გუნდიც პასუხისმგებლიანი და პროფესიონალი ადამიანებისგან შედგებოდა. მიუხედავად იმისა რომ ორგანიზაცია ვერ უზრუნველყოფდა მათ სათანადო რესურსებითა და სამუშაო პირობებით, ისინი პირადი ძალისხმევის ხარჯზე ახერხებდნენ გადაცემების მომზადებას და მაუწყებლის პრიორიტეტების შესრულებას. ამგვარი რადიკალური და სუბიექტურად მოტივირებული საკადრო გადაწყვეტილებები, ერთი მხრივ თანამშრომელთა დემოტივაციას და მეორე მხრივ - მაყურებლის ინტერესების დაზიანებას იწვევს.
დღიდან დირექტორად არჩევისა, გიორგი კოხრეიძის მართვის სტილი აბსოლუტურად დაცლილია ჯანსაღი შრომითი გარემოს შექმნის პრინციპებისგან და მიმართულია მაუწყებლის თანამშრომელთა შორის დაპირისპირების, კონფლიქტისა და მტრობის გაღვივებისკენ. გიორგი კოხრეიძე მაქსიმალურად ახალისებს ამგვარი დაძაბულობის კერების შექმნას და ნაცვლად პრევენცია-მოგვარებისა, ძალადობრივი, სადამსჯელო ზომებით შემოიფარგლება.
ორგანიზაცია იმართება პერსონალურ განწყობებზე დაყრდნობით. დევნისა და შევიწროების სამიზნეა კრიტიკულად განწყობილი ყველა თანამშრომელი. უკიდურესადაა გაზრდილი შრომითი უთანასწორობა. მაუწყებლის მენეჯმენტი არათუ ხელს არ უწყობს მაუწყებლის განვითარებას, არამედ პირიქით - ანადგურებს ორგანიზაციის ნორმალური ფუნქციონირების ყველა შესაძლებლობას.
მოვლენების ამგვარი განვითარება, გვიტოვებს განცდას რომ მოქმედი მენეჯმენტი და უშუალოდ გიორგი კოხრეიძე მიზანმიმართულად ებრძვის საზოგადოებრივი მაუწყებლის იდეას, ლახავს მის რეპუტაციას და სრულიად უგულებელყოფს მაყურებლის ინტერესებს, რომელთა საჭიროებებისთვის პასუხის გაცემა, არსებულ ფონზე - შეუძლებელი ხდება.
მოვითხოვთ, როგორც ალექსანდრე თხილაიშვილის, ისე - სხვა, უსამართლოდ გათავისუფლებული თანამშრომლების აღდგენასა და მათთვის ღირსეული შრომითი გარემოს შექმნას. ასევე - დევნისა და შევიწროების დაუყოვნებლივ შეწყვეტას!!!
საზოგადოებრივი მაუწყებელი უნდა ემსახურებოდეს საზოგადოებას და არა ვიწრო ჯგუფის მავნე ინტერესებს, რომელთა გატარება ანგრევს და ანადგურებს ყველა იმ შედეგს, რასაც „აჭარის ტელევიზიამ და რადიომ“ ისტორიის სხვადასხვა ეტაპზე მიაღწია.
❙ 29 აპრილს, 15:00 საათზე✓ ვიკრიბებით აჭარის ტელევიზიის შენობის წინ☂ ღირსეული და თავისუფალი მაუწყებლისთვის!!!" - ნათქვამია განცხადებაში.
1795100119
ახალი ამბებიირაკლი ქადაგიშვილი: მსოფლიოში, მათ შორის ევროპაში მოვლენები არასახარბიელო მიმართულებით ვითარდება, სახელმწიფოებისათვის მნიშვნელოვანია, რომ ამ დაძაბული ვითარების კონტროლი არსებობდეს
ვხედავთ, რომ მსოფლიოში, მათ შორის ევროპაში მოვლენები უარყოფითი მიმართულებებით იცვლება და არასახარბიელო მიმართულებით ვითარდება, ეს ევროპაში პოლიტიკურ დაძაბულობას იწვევს, აქედან გამომდინარე, პოლიტიკოსებ...
1795099795
ახალი ამბებიფონიჭალაში მაშველებმა ნანგრევებიდან კიდევ ერთი პირის ცხედარი ამოიყვანეს
ფონიჭალაში, სადაც სავარაუდოდ, ბუნებრივი აირის დაგროვების შედეგად აფეთქება მოხდა, მაშველებმა ნანგრევებიდან კიდევ ერთი პირის ცხედარი ამოიყვანეს. მანამდე ნანგრევებიდან ორი ცხედარი ამოასვენეს, მათ შორის ე...
1795098594
ახალი ამბებიფონიჭალაში მაშველებმა ორი ადამიანის ცხედარი ამოასვენეს
ფონიჭალაში მაშველებმა ორი ადამიანის ცხედარი ამოიყვანეს. ამის შესახებ ინფორმაციას შინაგან საქმეთა სამინისტრო ადასტურებს. უწყების ცნობით, ქალი და მცირეწლოვანი მაშველებმა დაღუპული ნანგრევებში იპოვეს. შე...
1795098379
ახალი ამბები„მოსალოდნელია ნალექი, 3-4 ბალიანი შტორმი და მეწყრულ-ღვარცოფული პროცესების გააქტიურება“- გარემოს ეროვნული სააგენტო მოსახლეობას აფრთხილებს
ამინდის მოსალოდნელი გაუარესების შესახებ გარემოს ეროვნულ სააგენტო სოციალურ ქსელში ინფორმაციას ავრცელებს და მოსახლეობას აფრთხილებს: „19 ნოემბრის შუადღიდან 20 ნოემბრის შუაღამემდე დასავლეთ საქართველოში მ...
1795097566
ახალი ამბებიდავით ქართველიშვილი: ადამიანურ ტრაგედიას ქოცურ-ნაცურ „ბენეფიტებში“ რანაირად განიხილავთ, ერთ დაწერილ წინადადებაში რამდენი უნდა გადაგიხადონ
„ხალხის ძალის“ წევრი დავით ქართველიშვილი გამოეხმაურა ოპოზიციის აქტივისტ ნენსი ვოლანდის მიერ სოციალურ ქსელში გაკეთებულ განცხადებას ფონიჭალაში მომხდარ ტრაგედიაზე, რის შესახებაც ვოლანდმა დაწერა: „ფონიჭალ...































