"გომელაური და ლილუაშვილი ნაცვლად იმისა, რომ ემსახურებოდეს ქვეყანას, ემსახურება ივანიშვილს" - ელენე ხოშტარია აღნიშნული ძალოვნების სანქცირებას ითხოვს

პოლიტიკური პარტია "დროას" ლიდერი ელენე ხოშტარია ცალკეული ბიზნესმენების, მოსამართლეებისა და პროკურორების სანქცირების მოთხოვნის შემდეგ, ასახელებს ასევე რამდენიმე მაღალჩინოსანს და ამბობს, რომ ეს ადამიანები არიან ჩართული საქართველოში ოლიგარქიულ მმართველობაში.

ამის შესახებ ხოშტარიამ პარტიის ოფისში დღეს, 7 ივლისს გამართულ ბრიფინგზე ისაუბრა.

"ჩვენ წარმოვადგინეთ პატარა ოლიგარქები, ანუ ის კორუფციული სქემა ვითომ ბიზნესმენების, რომელზე დგას რუსეთთან კავშირები...

დღეს მინდა აქცენტი გავაკეთო ძალოვან სტრუქტურებზე.

ძალოვანი სტრუქტურები არის ის საყრდენით, რომლითაც ოლიგარქიული მმართველობა იტაცებს სახელმწიფოს და ჩართულია რუსეთთან საშიში კავშირების შექმნაში ან დაფარვაში.

გრიგოლ ლილუაშვილი - "სახელმწიფო უსაფრთხოების სამსახურის ხელმძღვანელი, ბიძინა ივანიშვილის პირადი გარემოცვიდან არის, "ქართუდან" ისევე, როგორც ბევრი ამ მთავრობაში.

უსაფრთხოების სამსახური, რომელსაც ის ხელმძღვანელობს არის არა ქვეყნის, არამედ ივანიშვილის ოლიგარქიული მმართველობის უსაფრთხოების სამსახური, რომელიც პოლიტიკური შანტაჟისა და დევნისა, გვაქვს ინფორმაცია, რომ ფიგურირებდა სანქცირებული ტვირთით საქართველოში შემოსულ რუსული გემის საქმეში";

კობა კობიძე - "ეს არის ადამიანი სუსიდან, რომელიც არის ჩართული მიყურადებაში, შანტაჟში";

ვახტანგ გომელაური - "ბიძინა ივანიშვილის პირადი გარემოცვიდან არის.

მისი პირადი მცველი, რომელიც დაინიშნა შინაგან საქმეთა მინისტრად.

ნაცვლად იმისა, რომ ემსახურებოდეს ქვეყანას, ემსახურება ივანიშვილს",- განაცხადა ელენე ხოშტარიამ.