კობახიძე: სტრატეგიული ობიექტები რუსეთს ჩააბარა არა "ალტ-ინფომ", არამედ "ნაცმოძრაობამ" არავითარი ტოლობის ნიშანი - "ნაცმოძრაობაზე" მეტი რუსეთი საქართველოში, ბუნებრივია, არავინ არის

"სტრატეგიული ობიექტები რუსეთს ჩააბარა არა „ალტ-ინფომ“, არამედ „ნაცმოძრაობამ", - ამის შესახებ „ქართული ოცნების“ თავმჯდომარემ ირაკლი კობახიძემ ბრიფინგზე განაცხადა.

კითხვაზე, აპირებს თუ არა ხელისუფლება კანონის ამოქმედებას იმისათვის, რომ "ალტ-ინფოს" მიერ შექმნილი პარტია "კონსერვატიული მოძრაობა" აიკრძალოს, კობახიძე პასუხობს:

"კონსტიტუციის მიხედვით, არსებობს მოსარჩელე სუბიექტი და ეს შეიძლება ეს იყოს პრეზიდენტი, პარლამენტართა რაოდენობა, მთავრობა.

ერთადერთი სუბიექტი, ვისაც შეუძლია პარტიის აკრძალვა ეს საკონსტიტუციო სასამართლოა.

შესაბამისად, ერთ-ერთ სუბიექტის ინტერესის შემთხვევაში შეუძლია მიმართოს საკონსტიტუციო სასამართლოს და საბოლოოდ, სასამართლო მიიღებს გადაწყვეტილებას ამასთან დაკავშირებით.

თუმცა, აქ, ვიტყვი ერთ რამეს, როდესაც საქმე ეხება მოძალადე ჯგუფებს, რომლებიც წლების მანძილზე ძალადობდნენ ქვეყანაში, რა თქმა უნდა, პირველ რიგში, „ნაციონალური მოძრაობა“ გვახსენდება, რომელიც 9 წლის წლის განმავლობაში ძალადობდა ხალხზე ბიზნესის რეკეტის ფორმით, პატიმრების გაუპატიურებისა და წამების ფორმით და რომელიც საზოგადოებაზე ძალადობას ახლაც აგრძელებს ოპოზიციის რიგებიდან.

არავითარი ტოლობის ნიშანი.

„ნაცმოძრაობაზე“ მეტი რუსი არავინ არის საქართველოში, იმიტომ, რომ 20% რუსეთს ჩააბარა არა „ალტ-ინფომ“, არამედ „ნაცმოძრაობამ“.

სტრატეგიული ობიექტები რუსეთს ჩააბარა არა „ალტ-ინფომ“, არამედ „ნაცმოძრაობამ“.

შესაბამისად, „ნაცმოძრაობაზე“ მეტი რუსეთი საქართველოში, ბუნებრივია, არავინ არის", - აცხადებს ირაკლი კობახიძე.

ასევე დაგაინტერესებთ:

* კალაძე "ალტ-ინფოს" პარტიის აკრძალვაძე: კანონის ფარგლებში ყველა პარტიას აქვს არსებობის უფლება, მთავარია კონსტიტუციისა და კანონის დაცვა

* კობახიძე: რუსეთისთვის საქართველოში ომის დაწყება იქნება მძიმე, რადგან რამდენიმე ათეული ათასი ჯარისკაცი თავისი ტექნიკით, აღჭურვილობით და ყველაფრით უნდა მოაცდინოს საქართველოში