მიუღებელია როგორც ქრისტიანული, ისე მორალური და ადამიანური თვალსაზრისით - საპატრიარქო, სოციალურ ქსელში გავრცელებულ ძალადობრივ ვიდეოზე

საქართველოს საპატრიარქო, სოციალურ ქსელში გავრცელებულ ძალადობრივ ვიდეოს სპეეციალური განცხადებით ეხმიანება და მას მიუღებელს უწოდებს, როგორც ქრისტიანული, ისე მორალური და ადამიანური თვალსაზრისით.

განცხადების შესაბამისად, საქართველოს საპატრიარქომ დაიწყო ფაქტის გადამოწმება და შესაბამისი რეაგირება.

„სოციალურ ქსელში გავრცელდა ძალადობის ამსახველი ვიდეომასალა, რომელშიც ჩანს, თუ როგორ აყენებს ფიზიკურ და სიტყვიერ შეურაცხყოფას ერთი სამონაზვნო პირი მეორეს.

უპირველესად, აღვნიშნავთ, რომ ეს ფაქტი ყოველგვარ ზნეობრივ თუ ეთიკურ საზღვრებს სცილდება და მიუღებელია როგორც ქრისტიანული, ისე მორალური და ადამიანური თვალსაზრისით, მით უმეტეს, რომ ვიდეომასალაში ადამიანები საბერო შესამოსლით არიან წარმოდგენილნი.

აღნიშნული ვიდეოს გავრცელებისთანავე საქართველოს საპატრიარქომ დაიწყო ფაქტის გადამოწმება და შესაბამისი რეაგირება. ამ ეტაპზე არსებული ინფორმაციით, ვიდეომასალაში ასახული არცერთი პირი არ არის ბერად აღკვეცილი და ისინი მორჩილები არიან.

დეტალების დაზუსტების მიზნით ამჟამად მიმდინარეობს აქტიური კომუნიკაცია შესაბამის ეპარქიასთან, რის შემდეგაც საზოგადოებას ზუსტ და ამომწურავ ინფორმაციას მივაწვდით ამ უზნეო და ყოვლად მიუღებელი ფაქტის შესახებ.

ამასთან, კიდევ ერთხელ გარკვევით და ერთმნიშვნელოვნად აღვნიშნავთ, რომ ეკლესიის სახელით ჩადენილი ასეთი ქმედებები აბსოლუტურად მიუღებელი, არაქრისტიანული და ამორალურია, უზნეობის გამოსწორების ნაცვლად ის აზარალებს და ბღალავს ეკლესიის სახელსა და სიწმინდეს“,-ნათქვამია, საპატრიარქოს განცხადებაში.

ცნობისთვის, გუშინ საღამოს, სოციალური ქსელით გავრცელდა ვიდეო, რომელშიც ორ სასულიერო პირს შორის დაპირისპირებაა ასახული, ერთ-ერთი მათგანი კი ფიზიკურად და მორალურად ძალადობს მეორეზე.

ასევე დაგაინტერე­­­­სებთ:

🔵ტოსკანაში მცხოვრები ქართველების საყურადღებოდ - მოსალოდნელია საზოგადოებრივი ტრანსპორტის გაფიცვა

🔵სამი ადამიანი მირტყამდა გამეტებით, დაცვაც  ეხმარებოდა - გიორგი მასხულია